Depýtat jumys saparyn Taldyqorǵan qalasynan bastap, áýeli «Almatınskıe kraskı» JShS-ǵa qaraı jol tartty. Kópke aıan, barlyq óńirde lak-boıaý kompanııalary men konsernderdiń qyzmeti damyp, ónimin álemge taratyp keledi. Búginde kórshi elderge de eksporttaıdy. Bul qatarda «Almatınskıe kraskı» JShS da bar. Bul – lak-boıaý materıaldary men jol jóndeýge arnalǵan materıaldar shyǵaratyn óndiristik kompanııa. El aýmaǵynda 2009 jyldan beri tabysty jumys istep keledi.
О́nimderi ozyq tehnologııalar boıynsha óndiretin zaýyt jylyna 5 myń tonna lak-boıaý materıaldary men 6 myń tonna termoplastık shyǵarady. Kásiporynda 100-ge jýyq bilikti jumysshy jumys isteıdi. О́ndiristi uıymdastyrý úshin barlyq qajetti ınfraqurylym jasalǵan.
Kezdesý barysynda atalǵan mekemeniń orynbasary Rımma Salyqova depýtatqa otandyq ónimderdi barynsha qoldaý tabýy qajet ekenin jetkizdi.
«Qazirgi zamanǵy naryqtyq saýda júıesiniń mindeti – sórelerde otandyq ónimderdiń turaqty túrde qoldaý taýyp, satylymda bolýy mańyzdy. «Almatınskıe kraskı» JShS ónimderi jańa ozyq tehnologııalar boıynsha óndiriledi. ST-KZ shyǵý sertıfıkaty bar. 2010 jyly kásiporynda QR ST ISO 9001-2009 talaptaryna sáıkes keletin sapa menedjmenti júıesi engizildi, sonyń negizinde kompanııaǵa sapa menedjmenti júıesiniń sáıkestik sertıfıkaty berilgen. Osy sertıfıkattar aldaǵy ýaqytta kúshin joımaýyn jáne uzaqmerzimdi kelisimsharttar jasaý qajettiligin qoldaý qajet», deıdi R.Salyqova.
О́z kezeginde depýtat mekeme qyzmetkerlerin tolyq qoldap, máseleni baqylaýǵa alatynyn jetkizdi. Qazirgi ýaqytta zaýytta ydys, lak-boıaý jáne termoplastıka óndiretin sehtar jumys isteıdi.
Jetisý oblysy
