Foto: Michel Euler/The AP
Sportty damytý dıreksııasynyń málimdeýinshe, osy kúni Indonezııa astanasy Djakartada nysana kózdeýden Azııa chempıonaty ótip jatyr. Atalǵan doda qańtardyń 18-ine deıin ótedi.
Al qańtardyń 12-22 kúnderi aralyǵynda Kýveıttiń El-Kýveıt qalasynda stend atýdan Azııa chempıonatynda aldaǵy Jazǵy Olımpıadaǵa joldama beriledi.
Sonymen qatar 20 qańtarda WA normatıvi boıynsha sporttyq júrýden Túrkııanyń ashyq chempıonaty baıraǵyn jelbiretse, 27 qańtarda Astana qalasynda Ámın Tuıaqov júldesine arnalǵan álemdik týrnır bolady.
Portýgalııanyń Odıvalos qalasynda osy aıdyń 26-28 kúnderi aralyǵynda dzıýdodan erler men áıelder arasynda reıtıngtik upaı beriletin «Grand Prix Portugal» týrnıri ótedi.
Semserlesý sheberleri 12-24 qańtar kúnderi Týnıs elinde básekelesse, 29-31 qańtar aralyǵynda Katar astanasy Doha qalasynda semserlesýden gran-prı ótedi.
