Joba – kásipkerden, qoldaý – ákimnen

Solardyń qatarynda Ahmet aýylynyń turǵyny Nurjan Kákibaev bar. Ol sút ónimderin shyǵaratyn seh ashýdy josparlap otyr. Kásipker úsh jyldan beri mal sharýashylyǵymen aınalysady. Endi kásibin ármen qaraı jetildirip, sút ónimderin shyǵar­maqshy. Negizgi baǵyty –  irimshik.

– Irimshik jasaýdy ákemnen úırendim. Tabıǵı ónim árqashan suranysqa ıe. Buryn biz tek ózimizge ázirleıtinbiz. Sodan oı keldi. Qolymyzdan kelip tur. Basty taýardy qoradaǵy malymyz berip tur. Mine, aýdan ákiminiń grantymen irim­shik jáne basqa da sút ónimderin ázirlep, satatyn bolamyz. Grant qarajatyna qajetti jab­­dyqtar satyp alýdy jáne úıdiń janyna shaǵyn konteıner ornatýdy josparlap otyrmyn. Astanaǵa satýdy da oı­lastyryp jatyrmyz. Aýy­ly­myz Elordadan nebári 60 shaqy­rym jerde ornalasqan, –deı­di Nurjan Kákibaev.

Barshyn okrýgine qarasty Qaraqasqa aýylynyń 25 jastaǵy turǵyny Symbat Sá­limbekova Nura aýdany áki­miniń grantyn utyp aldy. О́t­ken jyly «Bastaý Bız­nes» baǵ­darlamasy aıasynda kásip­kerlik negizderi boıynsha oqýyn támamdaǵan. Jas kásip­ker eshki sútin óndirmek.

«Mende úshinshi toptaǵy mú­gedektik bar. Ulymdy dú­nıege ákelgen kezde ózim emize almadym. Qazir ekige toldy. Onyń da múgedektigi bar. Sondyq­tan balama muqııat kútim kerek. Bir jylǵa deıin kóptegen qospalardy qoldanyp kórdik. Balamda allergııa boldy. Gıpo­allergendi taǵamdar da bizge sáıkes kelmedi. Ulym úshin bas­qa aýylǵa kóshtik. О́ıtkeni ol jerde eshki súti satylady. Ba­la­ma jaqty, ulym tez salmaq jı­nady. Osydan keıin meniń oıyma eshki ósirip, sútin óndirý keldi. Bıznes-josparymdy quryp, mine, grant aldym. Osy qarajatqa saýatyn apparat pen 10 eshki satyp alamyn», deıdi Symbat Sálimbekova.

Munymen qosa, Nura aýdany ákiminiń granttaryn bıogýmýs, túıirshiktelgen qurama jem óndirý, shashtaraz ashý, jıhazdy hımııalyq tazalaý, avtokólik jýý, nan-toqash ónimderin óndirý boıynsha sehty keńeıtý, dezınfeksııa, dezınseksııa jáne deratızasııa qyzmetterin kórsetý boıynsha bıznes-jobalar aldy.

Bıylǵy ákim grantyna 10 mıllıon teńge bólindi. Mem­leket qarajaty birneshe jobaǵa jol ashpaqshy. О́z kezeginde jas kásipkerler ákimdikke alǵysyn jaýdyryp, aldaǵy ýaqytta ná­tıje shyǵaryp, shaǵyn bıznes­teri arqyly aýdannyń áleýetin arttyramyz degen ýáde berdi.

Qaraǵandy oblysy,

Nura aýdany