Kitapqa yntalandyratyn joba

Jýyrda Túrkistan qalasyn­da­ǵy «Qýanysh» saýda ortalyǵynda «Farab» kitaphanasynyń bólim­shesi ashyldy. Qaladaǵy eń úlken saýda ortalyǵynda 1700-den as­tam kásipker jumys isteıdi. Kú­nine orta eseppen 20 myńnan astam adam keledi. Kitaphana bó­limi bir kúnde 70 adamǵa deıin qyz­met kórsetedi, ıaǵnı aıyna orta eseppen 1500 adamdy qamtıdy dep josparlanyp otyr. Mundaı tyń joba aýdan, qalalardaǵy or­talyq bazarlarda jalǵasyn tap­paq. Kitaphananyń ashylýyna jer­gilikti zııaly qaýym ókilderi, kásip­kerler jáne oblys ákiminiń orynbasary Beısen Tájibaev qatysty. «Bul jobany oblys ákimi Darhan Satybaldy qoldap, qoǵam mádenıetin damytý baǵytynda jú­ıeli sharalar uıymdastyrýdy tap­syryp otyr. О́zderińizge bel­gili, óńirde turǵyndardyń basym kópshiligi saýda núkteleri arqyly kásibin dóńgeletip júr. Qarapaıym halyqtyń da jıi ke­letin orny – bazar. Sondyqtan da osyndaǵy kásipkerlerdiń kitap oqyp, iskerlik turǵydan izdenýine qoldaý bildirip, mádenı ortany keńeıtý maqsatynda tyń jobany bastadyq. Qoǵamdy kitap oqýǵa qy­zyqtyratyn jańa jobalardyń jandanýy oqyrmannyń kóbeıýine tikeleı áser etedi», dedi oblys áki­miniń orynbasary.

Bazardaǵy kitaphanada túrli baǵyttaǵy kórkem ádebıetter men kásipti nyǵaıtýǵa baǵyttalǵan jáne jiger beretin álemdik best­sel­­ler­den quralǵan 3 myń­ǵa jýyq ki­tap qory bar. Bul týyn­dy­lar ká­sip­kerlerge óz bız­nesin da­my­týǵa, tulǵa retinde qalyp­tasýyna úles qosyp qana qoımaı, jańa ári kreatıvti ıdeıalardyń týýyna múmkindik bermek. Halyqtyń suranysyna saı kitap sóreleri tu­raqty túrde jańartylyp otyrady. Arnaıy qatarlar nemese sóreler ornatylyp, sol jerde azamattar oqyǵan kitaptaryn syı­ǵa qaldyrady, basqa kitaptarmen almastyra alady. Sonymen birge kelýshilerge merzimdi basylymdar men kórkem ádebıetter, balalarǵa arnalǵan kitaptar usynylady. О́ńirde jalpy 39 bazar jumys isteıdi. Onda 7 myńnan astam ká­sipker saýda-sattyqpen aına­ly­sady. Joba aıasynda aýdan, qa­la­lardaǵy úlken saýda orta­lyq­tarynda da kitaphanalar ashylyp, bastama jalǵasyn tabatyn bolady. Jalpy, oblys kóleminde 398 kitaphana, 6 mıllıonǵa jýyq kitap qory bar. Sózimizdiń basynda aıtyp ótken «Ashyq ákimdiktegi ashyq kitaphana» jobasy nátıjesinde oblystyń jáne aýdan, qalalar­da­ǵy ákimdik ǵımarattarynda, áleý­mettik nysandarda kitaphana bu­ryshtary ashylyp, kitapqa degen qoljetimdilik artty. Qazirgi tań­da oblys boıynsha ákimshilik ǵıma­ratynan 15 jáne basqa da nysandarda 8 kitaphananyń jyljymaly pýnkti ashylyp, oqyrman ıgiligi úshin qyzmet etip keledi.

Aıta keteıik, oblystaǵy 251 mádenıet mekemesiniń 45-i ǵıma­rat­syz otyr. Biri ákimdik nemese mek­tepte, endi biri jekemenshik ǵı­maratta jumys isteıdi. «Aýyl el – besigi» baǵdarlamasy bo­ıynsha byltyr kitaphanasymen birge 13 mádenıet úıi paıdalanýǵa berilip, 2-eýi kúrdeli jóndeýden ótti. Oblys ákimdiginiń habarla­ýynsha, bıyl Maqtaaral, Jeti­saı, Saıram jáne Shardara aýdan­da­rynda jalpy 4 mádenıet úıi ­kúr­deli jóndeýden ótkiziledi. ­2024 jylǵa ótpeli bolǵan Saýran ­men Jetisaı aýdandarynda 2 klýb ­me­ke­mesi, Otyrar, Saryaǵash, Qa­zy­ǵurt, Tólebı, Sozaq, Keles aýdan­daryndaǵy 7 aýyldyq má­de­nıet úıiniń qurylysy qaıta jandanady.

Túrkistan oblysy