Foto: fifa.com
The Best FIFA Football Awards marapattaý keshinde 36 jastaǵy Argentına quramasynyń kapıtany, «Inter Maıamı» fýtbol klýbynyń oıynshysy Lıonel Messı jyldyń eń úzdik er fýtbolshysy atandy.
Ol uıym uıytqy bolatyn osy keshtiń basty atalymynda qatarynan ekinshi jyl, kásibı mansabynda úshinshi ret úzdik dep tanyldy.
Marapatty tabystaýshylar úzdikti anyqtaý barysynda Messıdiń 2023 jyly Fransııanyń «PSJ» quramasy men «Inter Maıamı» sapynda Leagues Cup týrnıriniń jeńimpazy bolǵanyn meńzegen. Ol osylaısha fýtbol tarıhyndaǵy eń tıtýldy oıynshy boldy. Buryn bul ataq «Barselonadaǵy» burynǵy áriptesi Danı Alveske tıesili edi.
Alaıda Messı marapattaý rásimine qatyspady. Oǵan tıesili júldeni úzdikke jetkizý úshin saltanatty jıynnyń júrgizýshisi, burynǵy áriptesi Terrı Anrı aldy.
Osy atalymda úmitkerler qatarynda «Manchester Sıtıdiń» norvegııalyq shabýylshysy Erlıng Holand pen fransýzdyq «PSJ» juldyzy Kıllıan Mbappe bolǵan edi.
Al FIFA nusqasynda álemniń úzdik áıel fýtbolshysy nomınasııasyn 25 jastaǵy ıspanııalyq oıynshy Aıtana Bonmatı jeńip aldy.
