Qoǵam • 16 Qańtar, 2024

«Bas Prokýrorǵa hat joldadyq»: Belgııalyq asyrap alǵan qazaq balasynyń oqıǵasy kúrdeli

900 ret

kórsetildi

1 mın

oqý úshin

Belgııalyq azamat Qazaqstanǵa kelmeı turyp, Jánibek Jumaǵulovtyń sýreti men jeke málimetterin elektrondy poshta arqyly alǵanyn jáne Arqalyqqa kelgende bir kisige qomaqty qarjy bergenin málimdegen eken. Bul týraly Jánibektiń zańdy ókili Qymbat Dosjan aıtyp berdi, dep habarlaıdy Egemen.kz.

Shyńǵys MUQAEV

«Bas Prokýrorǵa hat joldadyq»: Belgııalyq asyrap alǵan qazaq balasynyń oqıǵasy kúrdeli

Foto: instagram.com/muratsaveliev/

Onyń aıtýynsha oqıǵany zertteý barysynda 2000-2004 jyldar aralyǵynda Arqalyq qalasynyń balalar úıinen 80-nen astam balany sheteldikter asyrap alǵany málim bolǵan.

«Arqalyq polısııa basqarmasynda is meniń jáne asyrap alýshynyń aryzy boıynsha qozǵalǵan, alaıda qylmystyq quramnyń bolmaýyna oraı qysqartylǵan. Salǵyrttyq baby boıynsha ǵana emes, kámeletke tolmaǵandardyń saýdasy boıynsha qaıta qozǵaýdy surap, elimizdiń Bas Prokýroryna hat joldadyq», dedi ol.

Sonymen qosa Qymbat Dosjan Májilis depýtaty, Zańnamalyq jáne quqyqtyq reforma komıtetiniń múshesi Abzal Quspannan zańgerlik keńes alǵandyqtaryn aıtty. Depýtat atalǵan mańyzdy másele boıynsha budan ári qaraı da kómek beretinin jetkizipti.