Qoǵam • 17 Qańtar, 2024

«Bolattyń menshigi bolǵan». Zańsyz ıelengen jer memleketke qaıtaryldy

730 ret

kórsetildi

1 mın

oqý úshin

2004 jyly Qordaı aýdany ákimdiginiń jáne Qordaı aýyldyq okrýgi ákiminiń aktilerimen Bolat Nazarbaevqa tıesili «Qarasaı BN-Taraz» JShS-ǵa «Barys-2» saýda keshenine qyzmet kórsetý úshin aýdany 34,3017 ga ýchaske berildi. Ýchaskeni berý kezinde onyń tártibi buzylǵan, atap aıtqanda aýyl sharýashylyǵy maqsatyndaǵy erekshe qorǵalýǵa jatatyn aýdany 22,25 ga sýarmaly egistik jerlerdiń bir bóligi bazarǵa qyzmet kórsetý úshin berilgen, dep habarlaıdy Egemen.kz

Aıana TOǴANBEK

«Bolattyń menshigi bolǵan». Zańsyz ıelengen jer memleketke qaıtaryldy

Foto: Jambyl oblysynyń prokýratýrasy

«Jambyl oblysy prokýratýrasynyń habarlaýynsha, aýdan prokýratýrasy aýdan jáne aýyldyq okrýg ákimdikteriniń aktilerin, satyp alý-satý sharttaryn jaramsyz dep taný jáne kúshin joıý týraly sotqa talap qoıý berdi», delingen Jambyl oblysynyń prokýratýrasy usynǵan aqparatta.

Oblystyq sottyń azamattyq ister jónindegi sot alqasynyń 2023 jylǵy 28 jeltoqsandaǵy qaýlysymen «Qarasaı BN-Taraz» JShS-men Qordaı aýdany ákimdiginiń Jer qatynastary bólimi arasyndaǵy 24.07.2007 jylǵy №81 jáne №82 jer ýchaskelerin satyp alý-satý, jer ýchaskelerin óteýsiz berý týraly «Qordaı Invest» JShS-nyń barlyq sharttary jaramsyz dep tanylyp, kúshteri joıyldy.

«Sot qaýlysy 28.12.2023 jyly zańdy kúshine endi, jer ýchaskelerine memlekettik aktilerdiń kúshi joıyldy», delingen habarlamada.