Kórme • 19 Qańtar, 2024

«Saǵadat Nurmaǵambetovtyń 100 jyldyǵy»: Kóshpeli kórme ashyldy, jádigerler 10 qalany aralaıdy

520 ret

kórsetildi

1 mın

oqý úshin

Keńes Odaǵynyń Batyry №1 Halyq qaharmany, táýelsiz Qazaqstannyń tuńǵysh Qorǵanys mınıstri, armııa generaly Saǵadat Nurmaǵambetovtyń ǵasyrlyq mereıtoıyna oraı Almatyda Qarýly kúshterdiń Memlekettik áskerı-tarıhı murajaıy «Halyq júregindegi qaharman» atty kóshpeli kórme uıymdastyrdy. Ashylýyna Almaty óńirlik garnızonynyń áskerı qyzmetshileri, áskerı joǵary oqý oryndarynyń kýrsanttary, «Jas sarbaz» balalar-jasóspirimder áskerı-patrıottyq qozǵalysynyń tárbıelenýshileri qatysty, dep habarlaıdy Egemen.kz mınıstrliktiń baspasóz qyzmetine silteme jasap.

Shyńǵys MUQAEV

«Saǵadat Nurmaǵambetovtyń 100 jyldyǵy»: Kóshpeli kórme ashyldy, jádigerler 10 qalany aralaıdy

Foto: gov.kz

Kórmeniń ashylýynda Qarýly kúshter Ulttyq áskerı-patrıottyq ortalyǵy Almaty fılıalynyń estradalyq-bı toby óner kórsetti. Suńqar Álımusa Nurlan Nurtazınniń «Saǵadat» ánin oryndady.

«Taqyryptyq turǵydan kórme materıaldaryn soǵysqa deıingi, ekinshi dúnıejúzilik soǵysy jyldaryndaǵy jáne táýelsiz Qazaqstannyń Qarýly kúshterin qurýdaǵy tuńǵysh Qorǵanys mınıstriniń rólin kórsetetin úsh kezeńge bóldik», dedi atalǵan mýzeı bastyǵy Lázzat Áljan.

Kórmege tarıhı fotosýretter, Keńes Odaǵynyń Batyry ataǵyn berý týraly Jarlyqtyń, Altyn juldyzdyń kóshirmeleri jáne fýrajka, beldik, kobýra, gımnasterka, shınel, bylǵary qolǵap, etik, general pogondary sekildi Saǵadat Nurmaǵambetovtyń jeke zattary qoıylǵan. Bir qyzyǵy, jádigerler arasynda onyń jaqyndary bile bermeıtin sırek fotosýretter de kezdesedi.

gov.kz