Foto: Sputnik
«Azamattarǵa arnalǵan úkimet» Qazaqstanda «VIP» nómirlerdi satý tájirıbesi 2014 jyly engizilgenin eske saldy. Olardy satýdan túsken kiris respýblıkalyq bıýdjetke túsedi.
Memlekettik korporasııanyń málimetinshe, 2023 jyly eń jyldam satylǵan nómirler: 010, 020, 030, 040, 050, 060, 070, 077, 080, 090, 707. Ár nómirdiń baǵasy 57 AEK, ıaǵnı 210 444 teńgeni quraıdy (2024 jyl).
Bul rette VIP jelisindegi eń qymbat nómirler qataryna 001, 002, 003, 004, 005, 006, 007, 008, 009, 777 sandary kirdi. Mundaı nómirler 285 AEK, ıaǵnı 1 052 220 teńge turady.
Sonymen qatar Qazaqstanda «ádemi» nómirlerge suranys artqan.
«Azamattarǵa arnalǵan úkimet» agenttiginiń habarlaýynsha, 2023 jyly mamandandyrylǵan halyqqa qyzmet kórsetý ortalyqtary 30 myńǵa jýyq joǵary eń uranysqa ıe nómirlerdi kólik ıelerine bergen. Menshik ıeleri olar úshin 10 mıllıard teńgeden astam aqsha tólegen. Al 2022 jyly el azamattary VIP nómirlerge jalpy 7 mıllıard teńgeden astam qarjy jumsaǵan.
О́tken jyly Qazaqstan boıynsha mamandandyrylǵan halyqqa qyzmet kórsetý ortalyqtarynda 3,2 mıllıonnan astam kólik tirkelip, 1,1 mıllıon júrgizýshige kýálik berildi.
