Qalamger kitaptary ózge tilderge de aýdarylyp, ulttyq sóz óneriniń mereıin tasyta túsýde. Jaqynda alystaǵy Iаkýtııadan jaǵymdy jańalyq jetti: Álibek Asqarovtyń «Adasqan urpaq» povesi saha tilinde («Sarbyllybyt taptal») jaryq kórdi. Eldiń «Aıar» atty beldi baspasynan shyqqan bul kitapty tanymal qalamger Valerıı Lýkovsev aýdarǵan. Qazaq jazýshysyn «belgili sýretker» («Bıllııleeh sýrýıaachchy») dep baǵalaǵan baspanyń ańdatpa sózinde bylaı delingen:
«Poveste jas jigittiń jańa bastalǵan taǵdyryndaǵy qyzyqty jaılar, oryndalmaǵan arman-úmitteri men qamyǵý-qınalystary, ómirdegi ornyn izdeýi bas keıipker atynan áserli áńgimelenedi. Ol bastan keshetin tartysty da qaýip-qaterli oqıǵalar shynshyldyqpen ári názik ıýmormen baıan etiledi. Kitap qalyń oqyrman qaýymǵa ar-
nalǵan».
Kórkem de oıly bezendirilgen kitaptyń taralymy – 1500 dana. Sahalardyń sany jarty mıllıonǵa da tolmaıtynyn eskersek, bul qomaqty taralym ekenin baǵamdaımyz. Salystyrý úshin qazaǵynyń qatary 14 mıllıonǵa jýyqtaǵan Qazaqstanda kitaptardyń ortasha 2-3 myń dana bolyp basylyp júrgenin aıta ketýdiń artyǵy joq.
