foto: inbusiness.kz
Vedomstvo málimetinshe, kásiporyn 2020-2023 jyldar aralyǵynda Taldyqorǵan qalasyndaǵy turmystyq qatty qaldyqtar polıgonyna qyzmet kórsetkeni anyqtaldy.
«Kásiporynnyń osy kezeńdegi esebine sáıkes, osy polıgonda 24 myń tonna kóleminde TQQ qabyldanǵan. Kásiporynnyń esepterin taldaý jáne ózara esep aıyrysýlaryn salystyrý barysynda 41 kontragent anyqtaldy, olar polıgonǵa 138 myń tonnadan astam TQQ tasymaldaǵan. Bul – kásiporynnyń resmı esepterinde kórsetilgennen 114 myń tonnaǵa artyq», delingen oblystyq prokýratýra habarlamasynda.
Qadaǵalaý aktisine sáıkes kásiporyn ÁQBtK-niń 328-babynyń 1, 6-bóligi boıynsha qaldyqtardy jınaqtaý jáne qorshaǵan ortaǵa emıssııalar shyǵaryndylarynyń lımıtterin asyrǵany úshin ákimshilik jaýapkershilikke tartyldy.
«Kásiporynǵa 2,3 mlrd teńge mólsherinde aıyppul salyndy», delingen habarlamada.
