Foto: qr_tjm
«Komıssııa 4-24 qańtar aralyǵynda tergeý júrgizdi. Osy kezeńde TJM О́nerkásiptik qaýipsizdik komıteti tóraǵasynyń orynbasary Musa Tanabaevtyń tóraǵalyǵymen komıssııa músheleri jobalyq qujattamany zerdelep, tergeýge 4 saraptamalyq uıymdy, onyń ishinde Reseı Federasııasynyń sarapshysyn tartyp, altyn óndirýshi kásiporynnyń kýágerleri men laýazymdy tulǵalaryna saýalnama júrgizdi. Sonymen qatar komıssııa shahtaǵa túsip, oqıǵa ornyn zerttedi.
Jan-jaqty tergeý júrgize otyryp, komıssııa jumys istegen keńistikke taý-ken massasynyń qulaýy saldarynan oryn alǵan toptyq jazataıym oqıǵanyń sebepteri mynadaı: jumys óndirisin qanaǵattanarlyqsyz uıymdastyrý;
«Maıqaıyńaltyn» AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaý tıisti túrde júzege asyrylmaǵan;
bloktardy óńdeý kezinde qazbalardan qulaý prosesin baqylaý tıisinshe júzege asyrylmaǵan degen qorytyndyǵa keldi.
Sonymen qatar bul bos oryndarǵa tıisti baqylaý júrgizilmegeni, jobalyq qujattamaǵa sáıkes ázirlengen tazartý keńistiginiń bos jerleri, qulaý yqtımaldylyǵy bar ekendigi júrgizilmeni anyqtaldy.
Nátıjesinde kenetten qulaǵan taý massasynyń saldarynan jazataıym oqıǵa boldy.
Tergeý nátıjeleri boıynsha komıssııa músheleri jazataıym oqıǵanyń sebepterin joıý jónindegi is-sharalardy jáne olardyń oryndalý merzimderin aıqyndady. Onyń ishinde shahta dırektorynyń, bas ınjenerdiń, bas marksheıderdiń, ýchaskelik marksheıderlerdiń laýazymdyq nusqaýlyqtary ónerkásiptik qaýipsizdik salasyndaǵy zańnamanyń talaptaryn eskere otyryp qaıta qaralatyn bolady. Budan basqa, taý-ken qazbalarynyń ónerkásiptik qaýipsizdik talaptaryna sáıkestigine egjeı-tegjeıli tekserý júrgiziledi. Qulaýy múmkin aımaqtardy jáne qaýipsizdik normalaryn qamtamasyz etýdi eskere otyryp, avtokólik qozǵalysynyń marshrýttary ázirlenedi. Komıssııa 7 jaýapty adamdy anyqtady, olardyń áreketteri saldarynan toptyq jazataıym oqıǵa oryn aldy. Eńbek zańnamasyna sáıkes tergeý materıaldary quqyq qorǵaý organdaryna jiberildi», dep jazylǵan aqparatta.
Apat bolǵan jerde avarııalyq-qutqarý jumystary oqıǵa bolǵan sátten bastap demalyssyz júrip jatyr. Topyraqtyń geoskanızasııasy jumysy merzimdi ýaqytta júrgizilip otyr. Jumystar óte qıyn jaǵdaıda júzege asyrylyp jatyr. Taý jynystarynyń qulaý qaýpi jáne paıda bolǵan shuńqyrdyń astyndaǵy bos keńistik te qater týdyryp otyr.
