Oqıǵa • 30 Qańtar, 2024

«Polıseıdi kóligimen súırep áketken». Astanada mas júrgizýshi ustaldy (vıdeo)

272 ret
kórsetildi
1 mın
oqý úshin

«Mas júrgizýshi – qylmysker» reıdtik is-sharasy barysynda patrýldik polısııa qyzmetkerleri KIA kóliginiń júrgizýshisin mas kúıinde ustady. Habarlama kúndizgi ýaqytta «102» pýltine kelip túsken, dep jazady Egemen.kz.

«Polıseıdi kóligimen súırep áketken». Astanada mas júrgizýshi ustaldy (vıdeo)

Foto: Polisia.kz

«Oqıǵa ornyna jedel jetken polısııa qyzmetkerleri Máskeý men Potanın kósheleriniń qıylysynda joldyń qarsy jaǵyndaǵy KIA kóligin toqtatqan. Alaıda saqshylardyń toqtatý talaptaryn elemegen júrgizýshi jol qozǵalysyna qatysýshylarǵa qaýip tóndirip, kólikti tek baǵdarshamnyń qyzyl túsi janǵanda toqtatqan. Osy kezde polıseı kólikke júgirip kelip, esikti ashpaq bolǵanda júrgizýshi jyldamdyqty arttyryp, ınspektordy jol boıymen 20-30 metrdeı súırep áketken», delingen IIM baspasóz qyzmetiniń aqparatynda.

Medısınalyq saraptama júrgizýshiniń kólikti ortasha dárejedegi mas kúıinde basqarǵanyn anyqtady. Sonymen qatar 23 jastaǵy jas jigittiń júrgizýshi kýáligi de bolmaǵany anyqtalǵan. Quqyq buzýshyǵa qatysty ákimshilik kodekstiń eki babymen – ishki ister organy qyzmetkeriniń zańdy talabyn oryndamaý jáne masań kúıde basqarýǵa quqyǵy joq adamnyń kólik quralyn basqarýy boıynsha is qozǵaldy.

Sot sheshimimen júrgizýshi 20 táýlikke qamaýǵa alynyp, kólik kommýnaldyq turaqqa qoıyldy.

Sońǵy jańalyqtar

Tarazda anasy eki balasyn terezeden laqtyryp jiberdi

Tótenshe jaǵdaı • Búgin, 12:50