Foto: inbusiness.kz
«Bazalyq mólsherlemeniń tómendeýi aıasynda halyq úshin banktik depozıtterdiń tartymdylyǵy tómendeýde. Esterińizge sala keteıik, bazalyq mólsherleme 2023 jyldyń tamyzynda tómendeı bastady. Buǵan deıin ol óte joǵary deńgeıde uzaq ýaqyt saqtaldy - 16,75%. Biraq munyń bári bankterde depozıt ashý tıimsiz bolyp ketti degen sóz emes. Qarap otyrsańyz, 13,7 paıyz az emes. Salystyryńyz: kópjyldyq eń joǵary kórsetkish – 14%. Aıtpaqshy, ol 2023 jyldyń maýsym, qyrkúıek jáne qazan aılarynda tirkeldi», dep atap ótti BKB (Birinshi kredıttik bıýro).
Bankter dástúrli túrde bızneske qolaıly jaǵdaı jasaıdy. Jeltoqsan da erekshe qalmady. Banktik emes zańdy tulǵalardyń tartylǵan depozıtteri boıynsha ortasha alynǵan mólsherleme 14.6%-dy qurady. Bul qarashadaǵydaı, sonymen qatar kópjyldyq eń joǵary kórsetkishke (14.7%) óte jaqyn.
«Nesıe mólsherlemeleri bazalyq mólsherleme dınamıkasynyń aıqyn áserin kórsetedi. Qarasha jáne shilde aılarynyń mánderin alyp tastasaq (bul aılarda iri bankterdiń biriniń marketıngtik naýqany boldy), jeltoqsanda bankterdiń halyqqa bergen nesıeleri boıynsha ortasha alynǵan mólsherlemesi bir jyldaǵy eń tómengi deńgeıge – 17.9-ǵa jetti.
Bıznes jaǵdaıynda mınımým 2023 jyldyń sáýirinen bastap 18.7% paıyz bolyp bekitildi», dep atap ótti DataHub.
