Is-sharany Abaı atyndaǵy mádenı-demalys kesheni jáne Qazaqstan Sýretshiler odaǵy Mańǵystaý oblystyq fılıaly uıymdastyrdy. Sýretshiler sımpozıýmyna Aqtaý qalasyndaǵy Iran eliniń bas konsýly Ǵolamreza Hashemı, Túrkııanyń bas konsýly Sabrı Alyptekın, Túrikmenstan konsýldyǵynyń attashesi Rahat Annanazarov jáne Aqtaý qalalyq mádenıet, deneshynyqtyrý jáne sport bóliminiń basshysy Amantaı Qumbaev qatysty.
Sýretshiler sımpozıýmynda 29 sýretshiniń týyndylary kórsetildi. Is-shara barysynda qalalyq mádenıet, deneshynyqtyrý jáne sport bóliminiń basshysy A.Qumbaev sımpozıým qatysýshylaryna alǵyshattar men dıplomdar tabystady.
«Qańtar aıynyń basynda óńir sýretshileri arasynda sımpozıým ótken bolatyn. Sol sımpozıýmnyń qorytyndysy retinde sýretshiler kórmesi uıymdastyryldy. Kelesi sýretshiler kórmesin naýryz aıynda ótkizý josparlanyp otyr», dedi Aqtaý qalalyq mádenıet, deneshynyqtyrý jáne sport bóliminiń basshysy A.Qumbaev.
Mańǵystaý oblysy
