foto: sports.kz
Elenanyń aıtýynsha, onyń tálimgeri Stefano Výkov artyq energııadan arylý úshin emosııany syrtqa shyǵarýǵa keńes berdi.
«Kortta bolyp jatqan jaǵdaılarǵa qaramastan, men renishimdi nemese yzamdy kórsetpeýge tyrysamyn. Meni eshkim tanymaı turǵan kezde bul jaqsy qasıet boldy dep oılaımyn, sebebi alańǵa jaıbaraqat shyǵyp, keıin joǵary nátıje kórsetesiń. Qazirdiń ózinde de bul qasıet maǵan kómektesedi, qarsylastarymdy da shatastyrady», dedi tennısshi.
Sonymen qatar Rybakına tabıǵatynan sabyrly, uıalshaq adam ekenin alǵa tartty.
«Shynymdy aıtsam, emosııamdy nege kórsetpeıtinimdi bilmeımin. Múmkin bul meniń stresske bergen reaksııam shyǵar. Negizi men óte uıalshaq adammyn. Bapkerimniń de aıtýynsha, alańda sabyrly bolý maǵan eshqashan paıda ákelmeıdi. Qarsylastaryma meniń áli de osynda ekenimdi jáne áli de kúresip jatqanymdy kórsetý úshin keıde emosııa kórsetýim kerek. Mine, osyndaı baǵytta óz-ózimmen jumys isteýge tyrysyp jatyrmyn», dedi Rybakına Mind Set Win podkastynda.
