Foto: primeminister.kz
Álıhan Smaıylov atap ótkendeı, Qyrǵyzstan Qazaqstan úshin strategııalyq áriptes jáne baýyrlas memleket bolyp tabylady.
«Bizdiń kóshbasshylarymyzdyń saıası erik-jigeriniń arqasynda búginde qazaq-qyrǵyz qarym-qatynasy sapaly jańa deńgeıge kóterildi», dedi Premer-mınıstr.
Úkimet basshysy sondaı-aq elder arasyndaǵy saýda-ekonomıkalyq ózara is-qımyldyń qarqyndy damyp kele jatqanyn atap ótti. О́tken jyldyń 11 aıynda ǵana ózara taýar aınalymy 12 paıyzǵa ósip, 1.3 mıllıard dollarǵa jetti. Sonymen qatar Qazaqstan Respýblıkasy men Qyrǵyz Respýblıkasy taýar aınalymyn 2 mıllıard dollarǵa jetkizý boıynsha birlesken jumysty jalǵastyryp jatyr.
«Buǵan Úkimetaralyq keńes pen О́ńiraralyq yntymaqtastyq forýmy sııaqty ekijaqty yntymaqtastyq tetikteriniń tıimdi qyzmeti yqpal etip otyr. Qazaqstan Úkimeti Qazaqstan-Qyrǵyzstan strategııalyq áriptestigin barlyq salalarda odan ári qoldaýǵa daıyn», dedi Álıhan Smaıylov.
О́z kezeginde Aqylbek Japarov Qyrǵyzstan men Qazaqstan arasyndaǵy qazirgi qarym-qatynas saıası dıalogtyń joǵary deńgeıin rastaıtynyn atap ótti.
«О́zara saýda men ınvestısııa kólemi jyl saıyn artyp, iskerlik, ǵylymı jáne mádenı baılanystar jandanyp keledi. Úkimetaralyq keńes aıasynda Qyrǵyz-Qazaqstan yntymaqtastyǵyn uzaq merzimdi damytýdyń strategııalyq maqsattary, tujyrymdamalyq tásilderi men baǵyttary ortaq. Bizdiń elder arasyndaǵy belsendi ózara is-qımyl kópjaqty platformalarda júzege asyrylyp jatyr», dedi ol.
Aqylbek Japarov Qyrǵyz tarapynyń Qazaqstanmen ózara senim men túsinistikke negizdelgen odaqtastyq qatynastardy odan ári tereńdetýge múddeli ekenin atap ótti.
Kezdesý barysynda Úkimet basshylary ekijaqty yntymaqtastyqtyń keń aýqymdy máselelerin, sonyń ishinde saýda-ekonomıkalyq jáne munaı-gaz salalaryndaǵy máselelerdi talqylady.
Sonymen qatar taraptar qazaq-qyrǵyz shekarasynda júk kólikteri úshin qosymsha ótkizý pýnktin ashý máselesin jedel pysyqtaýǵa, sondaı-aq sý-energetıka salasyndaǵy yntymaqtastyqty nyǵaıtýǵa kelisti.
