Foto: Ashyq derekkóz
«Qala turǵyndary onlaın rásimdegen qujattaryn alysqa barmaı, qala ortalyǵynan alý úshin arnaıy sektor ashtyq. Munda kólik quraldaryna qatysty onlaın rásimdelgen qujattardyń daıyn nusqasyn alady. Osylaısha, kólik ıeleri ýaqytyn únemdeıdi. Qala turǵyndary munyń yńǵaıly ekendigin sezine bastady. Bir aı ishinde munda 2 myńǵa jýyq (1787 qujat. Onyń 771-i kólik quralyn memlekettik tirkeý boıynsha, 1016-sy júrgizýshi kýálikteri) avtokólik ıeleri óz qujattaryn aldy», deıdi «Azamattarǵa arnalǵan úkimet» memlekettik korporasııasy Almaty qalasy fılıaly dırektorynyń orynbasary Aınash Áýbákirova.
Daıyn qujattardy berý sektory dúısenbi men juma aralyǵynda tańǵy 9:00-den 18:00-ge deıin úzilissiz jumys isteıdi. Almaty fılıalynyń avtokólik ıelerine jasaǵan jaǵdaılary tek bul ǵana emes. «AllurAuto», «Hıýndaı», «Mycar», «Aster auto», «Chanqan» sııaqty 9 avtosalonda AvtoHQO mamandary kólik quraldaryn memlekettik tirkeý boıynsha qujattardy qabyldap otyr.
Qazirgi tańda Almaty qalasynda avtokólik ıelerine arnalǵan 4 mamandandyrylǵan HQO jumys isteıdi. О́tken jyly Almaty qalasynyń mamandandyrylǵan halyqqa qyzmet kórsetý bólimderi arqyly 1,3 (1 280 252) mıllıonǵa jýyq memlekettik qyzmet kórsetilgen.
