Foto: gov.kz
«Amanat» usynǵan kandıdat kim, buǵan deıin qandaı qyzmetter atqardy?
Oljas Bektenov 1980 jyly Almaty qalasynda dúnıege kelgen. Keıingi ret 2023 jyldyń 3 sáýirinen bastap Memleket basshysynyń Jarlyǵymen Qazaqstan Respýblıkasy Prezıdenti Ákimshiliginiń basshysy bolyp taǵaıyndalǵan.
II dárejeli «Aıbyn» (2014) jáne «Dańq» (2021) ordenderimen nagradtalǵan.
Eńbek jolyn 2002 jyly Almaty qalasy Ádilet basqarmasy bóliminiń bas mamany retinde bastaǵan.
Sonymen qatar ár jyldary:
2005-2006 jyldary – Qazaqstan Premer-mınıstri Keńsesinde zań bóliminiń sarapshysy, bas sarapshysy.
2006-2009 jyldary – Qazaqstan Prezıdentiniń Ákimshiliginde qyzmet istedi.
2009-2012 jyldary – Ádilet mınıstrliginiń Tirkeý qyzmeti jáne quqyqtyq kómek kórsetý komıteti tóraǵasynyń orynbasary.
2012-2014 jyldary – Ekonomıkalyq qylmysqa jəne sybaılas jemqorlyqqa qarsy agenttiginiń (qarjy polısııasy) ortalyq apparatynda departament bastyǵy.
2015-2016 jyldary – Astana qalasy ákiminiń apparat basshysy, Prezıdent Ákimshiliginiń basshysy hatshylyǵynyń meńgerýshisi.
2016-2017 jyldary – Sybaılas jemqorlyqqa qarsy is-qımyl Ulttyq bıýrosynyń (Sybaılas jemqorlyqqa qarsy qyzmet) Astana qalasy boıynsha departamentiniń basshysy.
2017-2018 jyldary – Aqmola oblysy ákiminiń orynbasary.
2018-2019 jyldary – Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary.
2019-2022 jyldary – Sybaılas jemqorlyqqa qarsy is-qımyl agenttigi tóraǵasynyń birinshi orynbasary.
2022 jyldyń aqpanynan 2023 jyldyń sáýirine deıin – Qazaqstan Respýblıkasynyń Sybaılas jemqorlyqqa qarsy is-qımyl agenttiginiń tóraǵasy bolyp qyzmet atqarǵan.
Eske salaıyq, «Amanat» partııasy Oljas Bektenovtiń kandıdatýrasyn Premer-mınıstr laýazymyna usyndy. Memleket basshysy usynylǵan kandıdatýrany Májilistegi partııalardyń fraksııalarymen jýyq arada talqylaıdy.
