Foto: Zakon.kz
«Memleket basshysy elimizdiń ekonomıkalyq damýy baǵytynda naqty tapsyrmalar berdi, olar oryndalady. Jańa ekonomıkalyq serpin berip, shyn máninde jedel ári sheshýshi sharalar qabyldaý qajet. Biz ónerkásip, munaı óńdeý salalaryna basa nazar aýdaryp, otandyq óndiristi yntalandyrý sharalaryn qabyldaýymyz qajet», dedi Oljas Bektenov.
Premer-mınıstrdiń aıtýynsha, Úkimettiń aldynda turǵan mindetterdiń biri - elimizde óndiriletin ónimniń úlesin arttyrý.
«Biz ofteık kelisimsharttar júıesin tolyqtaı iske qosamyz, bizdiń basty mindetimiz – otandyq bıznesti qoldaý. Aýyl sharýashylyǵynyń áleýetin tıimdi paıdalaný mańyzdy. Sondaı-aq sý resýrstary, energııa únemdeý, kólik-logıstıkalyq jeli boıynsha belsendi jumys isteıtin bolamyz. Biz jasandy ıntellekt pen jańa tehnologııalardy paıdalaný múmkindikterin keńeıtemiz. Zańnyń ústemdigin qamtamasyz etý sharalary men halyqty tolǵandyratyn basqa da máseleler úkimettiń nazarynda bolady. Úkimet elimizdiń ıgiligi úshin jumys isteıdi», dedi Oljas Bektenov.
Eske salaıyq, búgin, 6 aqpanda Oljas Bektenov Qazaqstannyń Premer-mınıstri laýazymyna taǵaıyndaldy. Bektenovtyń kandıdatýrasyn 69 májilismen qoldap, jeteýi qalys qaldy.
