Jańa jedel járdem kólikteri

Kólikter reseılik «Gazel» avto­kóliginiń negizinde jasalǵan. Jú­risi asa jaıly bolmasa da, qar men sazǵa bata qoımaıtyn eki beldememen ja­raqtandyrylǵan. Ishi naýqasqa alǵash­qy medısınalyq kómek kórsetetin quraldarmen jabdyqtalǵan. «Onyń ishinde ókpeni qoldan tazartý múmkindigi bar, júrekke qoldan massaj jasaı alamyz. Osy kólikterdiń arqasynda biz turǵyndarǵa jedel medısınalyq kómekterdi tolyq jasaı alatynymyzǵa senimdimiz», deıdi oblystyq jedel jár­dem ortalyǵy dırektorynyń min­detin atqarýshy Iýrıı Belonog.

Satyp alynǵan 19 kóliktiń 10-y qalada qaldyrylyp, qalǵandary aýdan ortalyqtaryndaǵy aýrýhanalardyń tehnıkalyq múmkinshilikterin arttyratyn bolady. Osylaısha, bizdiń oblys jedel járdem kólikterimen qamtamasyz etilý josparyn 68 paıyzǵa jetkizip otyr. Oblystyń medısınalyq mekemelerin jedel járdem kóligimen tolyq qamtamasyz etý úshin áli 52 avtokólik alynýy kerek.

Medısınalyq avtokólikterdi tapsyrý saltanatyna qatysqan oblys ákimi Ǵaýez Nurmuhambetov aldaǵy ýa­qytta da bıýdjet esebinen oblystyń aýrýhanalaryna qajetti mashınalardyń alynatyndyǵyn aıtty.

Aıta ketetin jaıt, memleket tarapynan oblystyń densaýlyq saqtaý salasyna jyl saıyn qomaqty qarajat bólinýde. Máselen, byltyr 11,7 mlrd teńge bólindi. Oblysta barlyǵy 19 aýrýhana, 63 ambýlatorııalyq emhana bar. Sonyń 4-i – oblystyq, 2-i – qalalyq. Sondaı-aq oblystyń eldi mekenderinde 397 medısınalyq beket pen 41 FAP jumys isteıdi.

О́kinishke qaraı, densaýlyq saq­taý salasynyń tehnıkalyq ınfraqu­rylymdary 77,4 paıyzǵa eskirgen. 480 adamǵa eseptelgen kópbeıindi aýrý­ha­­nanyń qurylysy da belgilengen me­je­­den kóp keshigip, áli kúnge aıaq­tal­maı jatyr. Alaıda joǵaryda aı­tyl­ǵandaı jaqsy qadamdar da jasa­lýda. Sonyń ishinde medısınalyq meke­me­lerdiń óz ishindegi tártip máselesi de bu­rynǵyǵa qaraǵanda jaqsaryp otyr. Byl­tyr burynǵy oblys ákimi Aıdar­bek Saparov aryz-shaǵym kóp túse­tin birinshi emhanaǵa eshkimge es­kert­peı, tańǵy mezgilde ózi baryp tek­serip, halyqtyń kezekte sarǵaıyp tur­ǵanyn, naýqastarǵa otyratyn oryndar da jet­peıtinin, esik aldynyń da aýrý jan­darǵa qolaısyzdyǵyn, kóptegen mamandar negizgi qyzmetimen qosa, aqyly qury­lymdarda jumys istegendikten, mun­daǵy halyqtyń qoly olarǵa jete almaı­tyndyǵyn áshkerelep, úlken dúm­pý týdyr­ǵan. Sodan beri aýrýhanalar men em­­hanalardyń ishki tártibi birshama jaq­sarǵan bolatyn. Osyndaı oqys tek­s­e­­risterdiń jıirek bolyp turǵany kerek-aq.

Soltústik Qazaqstan oblysy