foto: gov.kz
Qadaǵalaý organynyń baspasóz qyzmeti qurylys bóliminiń qyzmetkerleri balabaqsha qurylysyna memlekettik satyp alý júrgizgenin aıtty. Jobanyń quny 1,7 mlrd teńgeni quraıdy. Tek qoldarynda jer telimine quqyq belgileıtin qujattary bolmaǵan.
«Taǵy bir jaǵdaıda, Qyzyljar jáne Ýálıhanov aýdandary ákimdikteriniń laýazymdy tulǵalary ashyq konkýrstyń ornyna baǵa usynystaryn suratý arqyly 107 mıllıon teńgeden astam somaǵa memlekettik satyp alýdy júzege asyrmaq bolǵan», dep habarlady oblys prokýratýrasy.
Aıyrtaý, Músirepov jáne Qyzyljar aýdandarynyń jergilikti bıligi sapa sertıfıkaty joq sport alańdaryna memlekettik bıýdjetten 148 mln teńge jumsaýdy josparlaǵan.
Barlyq satyp alýlar toqtatyldy. Qyzmetkerler tıisti jaýapkershilikke tartylady.
