Kıberqylmyspen kúres

Abaı oblystyq Polı­sııa departamenti ınternet alaıaqtardyń aıla-shar­ǵysynyń aldyn alyp, olarmen kúresýge bel­se­ne kirisip otyr. Depar­ta­menttiń baspasóz qyz­me­­tiniń habarlaýynsha, 2023 jyly qalanyń 800-ge jýyq turǵyny ınter­net alaıaqtardyń qur­­bany bolǵan. Qońyraý shal­ǵan­nyń bárin ózindeı kóretin jergilikti «aqkóńil-ańqaý­lar» alaıaqtarǵa 127 mln teńgeden astam qara­jatty qalaı aýdaryp jibergenin ańǵarmaı qalǵan.

Osyǵan oraı 1-12 aq­pan aralyǵynda Semeı qalasynda «Stop alaıaq» jedel aldyn alý is-shara­sy bastaldy. Birer kún buryn qala ákimdiginiń ǵı­maratynda osy is-sharany iske asyrý máseleleri bo­ıyn­­sha arnaıy jıyn ótip, oǵan shahar ákimi Nurbol Nursaǵatov, qala prokýro­ry Azamat Ýálıev, polı­sııa basqarmasynyń basshysy Qaırat Ábdiǵa­lıev jáne basqa da qoǵam­dyq ınstıtýttardyń basshylary men ókilderi qatysty.

«О́kinishke qaraı, kı­ber­qylmys, sonyń ishin­de ınternet qoldaný­shy­lary­nyń alaıaqtyǵy jıi­lep ketti. О́ńirde 2023 jyly iske qosylǵan «Kı­ber­pol» qanatqaqty jobasy al­ǵashqy nátıjesin bere bas­tady. Bul baǵyttaǵy qyl­mys­tyq isterdi sapaly tergeý úshin arnaıy jedel tergeý topta­ry qu­ryl­dy. Olardyń kóme­gi­men áleýmettik jelilerdegi akkaýnttar baqylanyp, 21 veb-saıttaǵy 23 jalǵan habarlandyrý buǵattaldy. Sonymen qatar bul is-shara­lar IIM-niń kıberqylmys erejelerin, onyń ishinde 2025 jylǵa arnalǵan tele­fon men ınternet alaıaq­­tyqqa qarsy kúres baǵ­darlamasynyń ereje­lerin iske asyrý aıasynda ótip jatyr», deıdi Abaı oblystyq PD basshysy, polısııa general-maıory Sultan Bektóre.