Básekelestik zardaby

Kóp uzamaı-aq Soltústik Qa­zaqstan oblysynyń polısııa qyz­metkerleri qylmyskerlerdi qolǵa túsirdi. «Baqsaq, baqa eken» degendeı, qylmyskerler alystan kelmepti. Olar Prıhodchenkony jaq­sy biletin bıznestegi báseke­lesteri bolyp shyqty. Marqumnyń «IP Prıhodchenko» dep tirkelgen kásibi de erekshe – qaıtys bolǵan jandardy jerleý jáne soǵan baılanysty rásimderdi atqaratyn kásiporyn. Buryn tek hrıstıandyq saltpen jerlenetin adamdardyń rásimin atqaratyn bolsa keıin oǵan tipti musylmandar da júginetin bolǵan. Zıratta toń jerdi qazyp áýre bolmas úshin qatty jerlerdi musylmandar kásipkerdiń tehnıkasymen qazdyryp alatyn bolǵan.

Vadım Prıhodchenkonyń báse­kelesi – «Petro-spesobslýjı­vanıe» JShS. Bul kásiporyn sonaý keńes zamanynan «Jerleý bıýrosy» dep atalyp, bul qyzmetti jeke dara atqaryp kelgen. Serik­testiktiń qazirgi qojaıyny bu­rynǵy dırektordyń qyzy eken. Japp­aı jekeshelendirý jyldarynda kásiporyndy óziniń atyna aýdaryp alǵan dırektor kásibin tolyq qyzyna muraǵa qaldyrypty. Keıin bul kásiporyndy qyzy basqaryp, janyna basqa da týystaryn jı­naǵan.

Alaıda jerleý rásiminen de tabys tabýǵa bolatynyn kórgen V.Prıhodchenko sııaqtylar osyndaı qyzmet atqaratyn jeke kásip­oryndaryn tirkete bastaǵan. Qala ákimdigi, medısınalyq mekeme, t.b. tarapynan zırattardy us­taýǵa, kútýge, máıitterdi tasýǵa bóli­netin bıýdjettik tenderlerdi Prıhod­chenko básekelesiniń aldyna túsip, birneshe ret utyp ta alǵan.

Jalpy, máıitti jerleýge ókimet tarapynan 15,7 AEK kólemindegi bir rettik aqy marqumnyń týystaryna tólenedi. Biraq basqa qyzmetter jarııalanǵan tender ar­qyly jeńgen kompanııaǵa beriledi. Olar zırattan oryn alý, qazý, máıitti rásim­deý, asyn berý, t.b. bárin uıym­dastyryp, tenderdi jeńip alǵan qyzmeti boıynsha aldymen bıýdjetten, qalǵanyn mar­qumnyń týystarynan alyp, tabys tabady.

Bul iste de sybaılas jemqor­lyqqa jol beriletin tetik bar. Marqum bolǵan adam týraly jedel aqparatty polısııa qyzmetkerleri jerleý kompanııasyna tipti týys­tarynan buryn jetkizedi. Árıne, bul úshin kelisim boıynsha aqy alady. Jedel aqparatta marqumnyń turǵan úıi, telefony, týystary da kórsetiledi. Sondyqtan týystar jaman habardy jańa ǵana estip, esteri shyǵyp jatqanda jerleý rásimin jasaıtyndar esik qaǵyp turatyn kórinedi...

Osy máseleni kópten zerttep júrgen jergilikti jýrnalıst Z.Ju­malıevanyń aıtýynsha, osydan birneshe jyl buryn qalada sondaı aqparattardy satyp, aqsha tapqan 4 polısııa qyzmetkeri sottalyp, jumystan qýylǵan. Al olarǵa para bergen jerleý rásimin jasaıtyndar úlken kólemde aıyppul tólep qutylypty.

Pendelerdiń baqıǵa atta­nýyn da aqsha tabýdyń túrli kózine aınaldyrǵandar kóp. Bul kásipte tipti qylmystyq isterge de jol beriledi. Osynyń ózi bul kásipti de quqyqtyq turǵydan retteıtin zańnyń kerektigin kórsetip tur. Kez kelgen adam jerleý rásimin atqaratyn kásiporyndy tirkete alady. Al olarǵa qoıylatyn talap­tar, jerleý qyzmetteri aqysy­nyń normalary esh qujatta naqty kórsetilmegen, zırattardy kútý men ta­zalaýdyń normalary da bel­gi­len­begen. Olarǵa qoıylatyn sanı­tarlyq-epıdemıologııalyq talaptar da naqtylanbaǵan.

Joǵarydaǵy oqıǵaǵa qaıta oralsaq. Qylmystyq iske kúdik­ti retinde Prıhodchenkonyń báse­ke­les kompanııasy – «Petro-s­pes­obslýjıvanıe» JShS-nyń eki qyz­metkeri men dırektory qamaý­ǵa alynǵan. Buryn jeke dara atqaryp júrgen qyzmetterine Prıhod­chenkonyń aralasyp, sybaǵa­nyń biraz bóligin tartyp alyp júr­geni kópten beri olardyń zyǵyr­da­nyn qaınatyp júrse kerek. Onyń ústine bes jyl buryn «Pet­ro-spesobslýjıvanıe» JShS Petro­pavldyń eki jańa zıratyn senim­di basqarý quqyǵyn utyp alǵan eken. Bul máıitke oryndar belgileý, qazý jumystaryn atqarý sııaqty tolyp jatqan qyz­metter. Al olardyń qyzmet qunyn belgileý de ózderiniń erkinde bol­ǵan. Bıyl sol senimdi basqarý qu­qy­ǵynyń merzimi aıaqtalyp, qaı­ta­dan tender ótedi. Oǵan «IP Prı­hod­chenkonyń» qatysatyny da sóz­siz. О́ıtkeni ol burynǵy tender­diń sheshimi durys emes dep sotqa júgingen bolatyn. Alaıda ol kezde Prıhodchenkonyń talap aryzy qanaǵattandyrylmaǵan. Biraq bul joly onyń jeńip ketýi ábden múmkin edi, óıtkeni kásipkerdiń óz qyzmetterin básekelesinen ar­tyǵyraq jasaıtyny túrli jar­nama­lyq, aqparattandyrý materıa­lynan turǵyndarǵa belgili bolyp júrgen. Sondyqtan báseke­lestiń jolyn kesýdiń amalyn kúdiktiler osylaı tapqan sekildi. Qazir qylmystyq is áli jalǵasyp jatyr.

PETROPAVL