Bilim berý naýqany Oqý-aǵartý mınıstrligine qarasty Balalardyń quqyqtaryn qorǵaý komıtetiniń, IýNISEF Qazaqstan jáne Eýropalyq odaqtyń qoldaýymen qurylǵan Peremena.media aqparattyq keńistigi arqyly júrgiziledi. Kıberqaýipsizdikke qatysty bilim berý jumysy 6 aqpan – Halyqaralyq qaýipsiz ınternet kúni bastaldy. Qazirgi zamanda sıfrlyq tehnologııalardy, ásirese eń jas paıdalanýshylar – balalar men jasóspirimderdiń jaýapkershilikpen, qaýipsiz jáne nátıjeli paıdalanýyna nazar aýdartý búginde jahandyq mindetke aınaldy. Osy rette uıymdastyrýshylar «Kıber Tumar» atty jas býynǵa ınternetti qaýipsiz qoldanýǵa úıretetin, durys baǵyt-baǵdar beretin aqparattyq quraldar jıynyn usynyp otyr. Oǵan osy máselege nazar aýdartýǵa arnalǵan áleýmettik plakattar, túrli qaýip-qater kezindegi bazalyq algorıtmderdi qamtyǵan aqparattyq plakattar, sarapshylardyń praktıkalyq keńesteri berilgen materıaldar, bilim berý rolıkteri jáne t.b. kiredi.
Balalardyń quqyqtaryn qorǵaý komıtetiniń tóraıymy Nasymjan Ospanova: «Internet – qazirgi kezde tek aqparat quraly ǵana emes, sonymen birge kommýnıkasııa quraly. Sol sebepti adamdy mundaı aqparat jáne kommýnıkasııa quraldarynyń áleýetti múmkindikterin barynsha sanaly, paıdaly, zııany tımeıtindeı etip, qalaı qoldaný keregin jas kezinen úıretý kerek. «Kıber Tumar» aqparattyq bilim berý naýqanyn ótkizý balalardyń aqparattyq qaýipsizdigin qamtamasyz etýge áser etetin, ata-ananyń, balanyń onlaın ortada aqparatty tańdaýǵa degen «ımmýnıtetin» qalyptastyrýda jaýapkershiligin kúsheıtýge kómektesetin mańyzdy jáne zamanaýı qadam bolyp tur», dedi.
Al Eýropa odaǵynyń Qazaqstandaǵy elshisi Kestýtıs Iаnkaýskas: «Internet kúndelikti ómirimizdiń ajyramas bóligindeı bolyp ketti, sonyń ishinde balalarymyz úshin odan da mańyzdy elementke aınaldy. Ata-ana retinde biz balalarymyzdyń barlyq jerde – mektepte, kóshede jáne ınternet áleminde qaýipsizdigin qamtamasyz etip otyrýǵa tyrysamyz. Biz atalǵan naýqan ata-analardyń da, balalardyń da habardar bolýyna kómektesedi dep senemiz. Birlesken áreketterimizben balaǵa qaýipsiz ári qolaıly onlaın-keńistik qura alamyz», dep pikirin bildirdi.
Birikken ulttar uıymy Balalar qorynyń (IýNISEF) Qazaqstandaǵy О́kiliniń mindetin atqarýshy Letısııa Bazzı-Veıldiń oıynsha, «Kıber Tumar» qazaqstandyq balalardy jelidegi qaýip-qaterlerden qorǵaý rámizine aınalady. «Ár bala óziniń naqty qadamdarymen birge alǵashqy vırtýaldy qadamyn jasaıdy. Jáne oǵan sıfrlyq keńistikte qaýipsiz ósýge kómektesetin qorǵanysty neǵurlym erte berýdiń mańyzy zor. «Kıber Tumar» balalardy ınternettegi jaǵymsyz baılanystan, kontentten jáne is-áreketten jaqsyraq qorǵaýǵa yqpal etedi. Balalarymyzdyń óz Kıber Tumary bolsa, onlaın tildesý, damytý oıyndary, oqý olardyń múmkindikterin keńeıte alady», deıdi ol.
