«Bulbul» romansy halyqaralyq baıqaýda birinshi oryn aldy

Osylaısha, 16 jastaǵy qazaq qyzy amerıkalyq tyń­daýshylarynyń júregin jaý­lady. Adelına 2022 jyly AQSh-taǵy Mın­nesota shta­tyndaǵy mektepke qa­byldanǵannan keıin, osy el­degi 9 vokal­dyq konkýrsqa qatyssa, onyń kópshiliginde jeńiske jetken.

О́tken demalys kúnderi aqtyq synǵa shyqqandardy anyq­taǵan «Radda Rise In­ternational Piano and Vocal Com­petition» halyqaralyq baıqaýy onyń mýzykalyq tabysyn biraýyzdan maquldady.

Qazylar alqasynyń mú­shesi, barıton daýystyń ıesi, bedeldi Saint Thomas Choir School vokaldyq oqytýshysy, Manhattan School of Music Precollege vokal fakýltetiniń múshesi Djýzeppe Spoletını: «Adelına – vırtýozdy oryndaýshy, onyń tehnıkalyq jaǵynan óte kúrdeli kompozısııany tańdap, árqaısymyzǵa esten ketpesteı áser syıla­dy. Men bul ánniń ne týraly ekenin túsinbeımin. Bir­aq árbir notany se­zinýge jeteleıdi. «Bulbul» taǵy da oryndalýǵa tıis!», dedi.

Al Adelınanyń ózi: «Baı­­qaýǵa men 3 kompozısııa usyndym. Qazaqtyń aka­­demııalyq klassıkasyna iltıpat bildirilip, osyndaı jyly lebizder estigenime óte qýa­nyshtymyn. Oǵan qosa meniń básekelesterim óte myq­ty boldy. Úshinshi oryn amerıkalyq óner jáne mýzyka salasyndaǵy eń iri joǵary oqý oryndarynyń biri The Julliard School stýdentine berilgenin bilemin. Árıne, osyndaı jeńis budan da kóp eńbektenýge qulshyndyrady», deıdi.

Sonymen Adelına Mu­hametjanova 7 jyldan beri akademııalyq vokal boıynsha bilim alyp keledi, onyń ustazy – Qurmanǵazy atyn­daǵy Qazaq ulttyq kon­ser­vatorııasynyń «vokal óneri» kafedrasynyń dosenti Gúl­nar Nurǵalıeva.

Oraıy kelip turǵanda Adelına 2020 jyly Qazaq­standaǵy eń jas úmitker re­tinde shyǵar­mashylyq jetis­tikteri úshin «Jyl tańdaýy» syılyǵymen mara­pattalǵanyn, 2019 jyl­­dyń jeltoqsanynda je­ńimpaz retinde Karnegı Holda óner kór­setti. Ol bul kon­sert­­­ke Ame­rican Protege baı­qaýynyń jeńimpazy retinde sha­­qyryldy. 2018 jyly Ita­lııada Festival & Contest qa­ýym­­dastyǵynyń prezıdenti Krıstıan Karochetıdiń arnaıy júldesine ıe bolǵan.

Sondaı-aq jas ónerpaz – ataqty halyqaralyq San­remojunior baıqaýynyń júl­degeri (San-Remo, Ita­lııa), Orys ánderi halyq­ara­lyq festıval-baıqaýy­nyń fınalısi (London, Uly­­brıtanııa), Zarına Al­tyn­baevanyń «Prima Nota Fest» respýblıkalyq baı­qa­ýynyń, Elena Obrazsova baı­qaýlarynyń jeńimpazy, Central Asia Got Talent sho­ý­y­nyń qatysýshysy (Qazaq­tan, 2022).

ALMATY