Foto: Ashyq derekkóz
Dereý órt sóndirýshilerge habar bergen Ulttyq ulan áskerı qyzmetkeri otqa oranǵan páterde qart áıeldiń baryn anyqtap, kómekke umtylǵan.
«Tútindi kórgennen keıin kireberiske asyqtym. Jol boıynda órt sóndirý brıgadasyn shaqyrǵan edim. Kireberistiń esigi jabyq bolǵandyqtan, barlyq páter nómirlerine qońyraý shalýǵa týra keldi. Turǵyndardyń biri esikti tez asha qoıdy. Ishke bas suqqan sátte qart turǵyn panalaǵan páterdi qoıý tútin tumshalaǵanyn baıqadym. Páterine engen soń qarııany qolyma alyp, ashyq tereze arqyly syrtta jınalyp qalǵan adamdarǵa berdim. Sol aralyqta ózim de kómirqyshqyl gazyna tunshyǵa bastadym, tipti esimnen tanyp qalýym da múmkin edi. Abyroı bolǵanda, órt sóndirýshiler syrtqa aman shyǵýyma kómektesti. Bul úshin men olarǵa rızamyn», deıdi serjant Bolat Ysqaqov.
Keıin órt shyqqan jerge Qostanaı oblysynyń Tótenshe jaǵdaılar departamentiniń qyzmetkerleri kelip, jedel sharalar qabyldady. Turǵyndar ǵımarattan evakýasııalandy. Barlyǵy 15 adam qutqaryldy, olardyń arasynda 8 bala bar. 23 adam evakýasııalandy. Qurbandar men zardap shekkender joq.
О́rttiń sebepteri anyqtalyp jatyr. Aldyn-ala boljam boıynsha, órt jylytqyshtyń jıhazǵa jaqyn ornalasýynan tutanǵan.
