"Otaý" baǵdarlamasy jumys isteıtin jastardy, jas otbasylardy, Otbasy bankiniń salymshylaryn turǵyn úımen qamtamasyz etýge baǵyttalǵan.
"Otaý" baǵdarlamasyna kimder qatysa alady?
Otbasy bank salymshylary ("Báıterek" holdınginiń enshiles uıymy), onyń ishinde turǵyn úı kezeginde turǵan azamattar qatysa alady;
- Úmitkerdiń jınaq shoty eń kemi 18 aılyq bolýy kerek;
- О́tinim berý sátinde depozıttegi jınaq somasy 1 mln teńgeden kem bolmaýy kerek;
- Baǵdarlamaǵa qatysýshynyń jasy 18-den 63 jasqa deıin (qosa alǵanda);
- Baǵdarlamaǵa qatysýshyda jáne onyń otbasy múshelerinde sońǵy 5 jyl ishinde jyljymaıtyn múlik bolmaýy kerek;
- Almaty jáne Astana qalalarynan turǵyn úı alatyn jaǵdaıda atalmysh qalalarda turaqty tirkeý bolýy qajet.
"Otaý" baǵdarlamasy – turǵyn úı qurylys jınaq júıesine qatysýshylar úshin baspana satyp alýdyń qosymsha quraly. Ol qazaqstandyqtar arasynda únemdeý mádenıetin nyǵaıtýǵa ári arttyrýǵa arnalǵan. Sebebi, eń únemshil salymshylardyń tómen paıyzdyq mólsherleme boıynsha zaem alý múmkindigi bar. Sondaı-aq, turǵyn úı qurylys jınaqtary júıesinde salym jınaqtaý birneshe jyldan keıin zaem boıynsha mólsherlemeni tómendetýge múmkindik beredi.
"Otaý" baǵdarlamasy jumys isteıtin jastardy, jas otbasylardy, Otbasy bankiniń salymshylaryn turǵyn úımen qamtamasyz etýge baǵyttalǵan. Bul jyl saıyn zaemdardyń jartysynan astamy 35 jasqa deıingi qazaqstandyqtarǵa nesıe berýge bólinetinin bildiredi. Jyl saıyn biz qarjylandyrýǵa 150 mlrd teńge baǵyttaıtyn bolamyz. Bul aqsha Otbasy banktiń óz qarajaty esebinen bólinetin bolady, sondaı-aq qazaqstandyq qarjy naryǵynan da qaryz alyp, qarajat tartýdy josparlap otyrmyz. "Otaý" baǵdarlamasy 7 jylǵa eseptelgen. Osy kezeńde biz 50 myń azamattyń turǵyn úı máselesin sheshýge kómektesemiz, - dep atap ótti "Otbasy bank" AQ Basqarma tóraǵasy Lázzat Ibragımova.
О́tinim berý ýaqyty aıaqtalǵannan keıin, otbasybank.kz saıtynda qatysýshylar tizimi avtomatty túrde jasaqtalady. Oǵan eń kóp upaı jınaǵandar kiredi.
Upaılar qalaı esepteledi?
- Salym boıynsha syıaqy mólsheri úshin - árbir 1000 teńgege 5 ball;
- Salym merzimi úshin - salymnyń árbir jyly úshin 5 ball;
- Tirkelgen neke úshin - 10 ball;
- Balalardyń bolýy úshin - sanyna qaramastan 50 ball.
Eger úmitkerlerdiń upaılarynyń sany birdeı bolyp qalsa, onda basymdyq salym somasy kóbirek jáne jınaqtaý merzimi uzaǵyraq adamdarǵa beriledi.
Irikteýden ótken qatysýshylar 40 jumys kúni ishinde nesıelik ótinim bere alady. Bankten oń sheshim alǵan jaǵdaıda nesıelik ótinim 6 aı ishinde jaramdy bolady. Osy ýaqyt aralyǵynda baǵdarlamaǵa qatysýshy baspana taýyp, nesıe alyp, ony satyp alýy kerek.
Zaem kólemi qandaı jáne qandaı turǵyn úı satyp alýǵa bolady?
Almaty men Astanadaǵy zaemnyń eń joǵary somasy - 30 mln teńgege deıin;
Qalǵan óńirlerde - 18 mln teńgege deıin.
Tek alǵashqy naryqtaǵy turǵyn úı - Almaty, Astana, Shymkent qalalarynda jáne oblys ortalyqtarynda (onyń ishinde QTK kepildigimen úlestik qatysý sharty boıynsha);
Basqa eldi mekenderde kez kelgen turǵyn úı.
Baǵdarlamaǵa qatysýshy jańa turǵyn úıdi Baspana market (otbasybank.kz) portalynan ǵana satyp ala alady. Bul qyzmet jańa turǵyn úı baǵdarlamasynyń bastalýy aıasynda turǵyn úı baǵasynyń jasandy ósýine jol bermeýge arnalǵan.
Árbir nysan atalmysh platformaǵa ornalastyrylmastan buryn, turǵyn úıdiń naryqtaǵy baǵasy negizinde qunyn bekitý prosesinen ótetin bolady. Eger ol naryqqa sáıkes kelse, onda qurylys salýshymen sharshy metr baǵasyn belgileı otyryp, turǵyn úıdi satý týraly kelisim jasalady.
"Otaý" baǵdarlamasynyń sharttary:
Alǵashqy jarna - 20%-dan bastap;
Nesıe boıynsha mólsherleme - jyldyq 9% (JTSM 9,2% bastap).
Nesıe merzimi - 19 jylǵa deıin.
"Otaý" baǵdarlamasyn iske asyrýdyń barynsha ashyqtyǵy úshin onyń qatysýshylarynyń tizimi (zaem alýshylardyń kelisimimen) Otbasy bankiniń saıtynda jarııalanatyn bolady. Árbir adam ótinimderdi irikteý jáne upaılardy esepteý nátıjelerimen otbasybank.kz portalda tanysa alady.
