Egistic - aýyl sharýashylyǵyn basqarýdyń otandyq ERP júıesi, telefon arqyly egistikterdiń jaı-kúıin baqylaýǵa kómektesedi. Quryltaıshy kompanııanyń ataýyn qazaqshalap «egin alqaby, egis dalasy» maǵynasyndaǵy egistik sózimen baılanystyryp qoıdy. Árıne ony aǵylshynsha oqysa da ekinshi maǵyna shyǵady - E-GIS. Servıs qosymshasynda egistikpen aınalysýshylar ósimdik japyraqtaryndaǵy ylǵal men azot mólsheri, daqyldardyń pisetin ýaqyty, aramshópterdiń nemese aýrýlardyń paıda bolýy sııaqty mańyzdy ári qajet aqparatty ala alady jáne ony aldyn alýǵa jaqsy múmkindik týady. Sonymen qatar tehnıkanyń jumysyn jáne onyń naqty ýaqyttaǵy qozǵalysyn baqylaýǵa múmkindik bar, oǵan qosa ár egistikte daqyldar tarıhyn saqtaýǵa, qoımalardaǵy qorlardy qadaǵalaýǵa ońaı ári yńǵaıly bolady.
Sharýalar barlyq aqparatty aeroǵaryshtyq sýretterden alady: «Ǵaryshtyq sýrette ınfraqyzyl kanal bar, ol jerden shaǵylysqan kezde fotosıntez prosesiniń tyǵyzdyǵyn kórsetedi. Bul fermerlerge problemalyq aımaqtardy anyqtaýǵa, egistik analıtıkasyn retrospektıvada alýǵa jáne bıylǵy jyly qansha ónimge senýge bolatynyn túsinýge múmkindik beredi. Sonymen qatar siz ártúrli egistikterdegi egis nátıjelerin salystyra alasyz jáne osylaı jaqsy nátıjege qandaı tehnologııalar sizge jaqsy áser etkenin zerdeleı alasyz», dep túsindirdi Jandos Kerimqulov.
Quryltaıshynyń aıtýynsha, búginde fermerler úshin úlken problema - egistikterdiń búkil keshenin baqylaý. Ortasha bir alqap 2*2 shaqyrym aýmaqty alyp jatyr, olardyń sany 20-30 birlikke jetýi múmkin. Tehnologııa úderisterdi edáýir jeńildetýge jáne sheshim qabyldaýdy tezdetýge kómektesedi. Alqaptardyń ıesi kez-kelgen ýaqytta qosymshaǵa kirip, tehnıkanyń qaı jerde ekenin, bir aýysymda qansha gektar óńdelgenin kóre alady. Qol eńbegi aıtarlyqtaı bosatylady, qara kúshti basqa qajettilikterge baǵyttaýǵa bolady. Mysaly, osyndaı qosymshany paıdalanýshylardyń biri 1 jyl ishinde ishinde shamamen 50 mıllıon teńge únemdegenin aıtty.
Qyzmetti qazirdiń ózinde 5000-nan astam fermer paıdalanady. Olardyń kóbi Qostanaı, Aqmola, Pavlodar jáne Soltústik Qazaqstan oblystarynan eken. Bizdiń júıe aýylsharýashylyq kásiporyndarynyń basshylary, agrobıznesmender arasynda da tanymal. Kompanııa basshysynyń aıtýynsha, kásiporyndar búginde jańa tehnologııalardy engizip, ýaqytpen qatar júrip damı berý kerek.
Bolashaqta tehnologııa aımaqtaǵy sý tapshylyǵy sııaqty ótkir problemalardy boljaı biletin bolady jáne ony aldyn alýǵa qatysty joldardy kórsete alady. Máselen, servıs ótken jyl fermerler úshin ónimdik pen túsimdik turǵysynan qıyn bolǵanyn kórsetti. Jazda jaýyn-shashynnyń jetkiliksiz bolýy jáne kúzde artyq mólsherde jaýǵany óndiriletin ónim sapasynyń nasharlaýyna ákeldi: «Eger buryn fermerler óz astyǵyn 120-160 myń teńgege satsa, búginde olar tonnasyn 50-70 myńnan satady. Osyndaı qıyn jaǵdaılarǵa tap bolmas úshin búginde fermerler sharýashylyqty basqarýdyń ońtaılandyrylǵan ádisterin paıdalanýy kerek».
Jandos Kerimqulov basynda kompanııanyń damýyna akselerasııa jáne ınkýbasııa baǵdarlamalaryna qatysý oń áser etetinin atap ótti: «Biz Kazakhstan Digital Accelerator-ǵa qatysqan edik. Bastapqy kezeńderde siz jalǵyz nemese shaǵyn komandańyz ǵana bolsa jáne ıdeıany birge júzege asyrý, durys bıznes-prosesti qurý, qujattardy jınaý, seriktestermen tanysý qajet bolǵan jaǵdaıda, osyndaı belgili jobalarǵa qatysý kompanııa úshin tramplınge aınalady, ósýge sebepshi bolady.
Mysaly, biz Astana halyqaralyq qarjy ortalyǵynda (AHQO) tirkelgenbiz. Munda tirkelgenimizdiń basty artyqshylyǵy – osy arqyly ınvestorlarmen mámile quryp, kelisimge kele aldyq. Eger sheteldik ınvestor sizdiń kompanııańyzǵa ınvestısııa salǵysy kelse, bul Ortalyq siz úshin barynsha qaýipsiz ıýrısdıksııa sanalady, óıtkeni munda ınvestorlardyń quqyqtary men kompanııa quqyqtaryn qorǵaıtyn álem boıynsha moıyndalǵan júıe jumys isteıdi. О́z mámilelerin qurylymdaıtyn Qazaqstannyń kóptegen startaptary, meniń oıymsha, kóp jaǵdaıda AHQO-ny tańdaıdy».
Eldiń aýyl sharýashylyǵy salasynyń sapasyn jaqsartý maqsatynda Egistic qyzmet qosymshasyn kredıtteý jáne agroqurylym boıynsha fınteh-servıske transformasııalaý josparlanyp jatyr. Barlyq fýnksııalar bir júıede biriktiriletin bolady. Paıdalanýshy biryńǵaı platforma arqyly saqtandyrýǵa nemese kredıtteýge ótinish bere alady, bul jumysty bankter men qarjy ınstıtýttary úshin ashyq etedi: «Búginde bizdiń servıste soǵan qosylǵan ashyq kadastrlyq derekter bazasy bar. Biz de agroskorıng júrgize alamyz, ıaǵnı belgili bir paıdalanýshynyń sońǵy 5 jyldaǵy ónimdiligi qalaı ózgergenin, tehnologııanyń qanshalyqty qarqyndy qoldanylatynyn jáne t.b. retrospektıvada kóre alamyz», dep túsindirdi servıs jetekshisi.
Kompanııa basshysy bankterdiń agrobıznesmenderge nesıe berýge nemese memleketten qarjy alýǵa kóbirek múmkindik berý úshin aqparattyń osy túrin qabyldaýǵa daıyndyǵyn ózekti másele dep atady: «Qazaqstan astyǵyn satatyn naryqtar bolǵan Iran, Aýǵanstan sııaqty kóptegen elderdegi satýdy búginde Reseı ıelenip otyr, sondyqtan bizdiń aýylsharýashylyq ókilderin qorǵaý jáne eksporttyq áleýetti arttyrý týraly oılaný kerek».
Kompanııanyń basty josparyna fermerlerge arnalǵan sýper qosymshalar baǵytyn damytý kiredi. Onyń ishinde marketpleısti, tehnıkany jaldaý isin, konsýltasııalardy, HR-servısti jáne t. b. engizý bar.
