Jyldyq kitap kórmesi úsh bólimnen turady. «О́miri ónegemen órnektelgen» dep atalatyn alǵashqy bólimde jazýshynyń ómiri men shyǵarmashylyǵy týraly ensıklopedııalyq jınaqtar, monografııalar men jekelegen ǵylymı zertteý eńbekter kópshilik nazaryna usynylǵan.
«Beıimbet – sóz zergeri» atty ekinshi bólimde jazýshynyń búginde ultymyzdyń rýhanı ıgiligine aınalǵan prozalyq shyǵarmalary, pesa, lıbretto, ssenarııleri oryn alǵan. «Belesi bıik Bı-aǵa» dep atalatyn úshinshi bólimde oqyrman beıimbettanýshy Toqtar Beıisqulovtyń «Qanatty qalamger», Serikqalı Baımensheniń «Beıtanys Beıimbet» atty eńbekterimen tanysa alady.
Jazýshynyń eńbek joly kezinde Qostanaıdaǵy gýbernııalyq «Aýyl» gazetinen bastaý alǵany belgili. Muhamedjan Seralın men Beıimbet Maılın uıymdastyrǵan alǵashqy oblystyq gazet búgingi oqyrmanǵa «Qostanaı tańy» degen ataýmen etene tanys. Kesh barysynda óńirlik basylymnyń bas redaktorynyń orynbasary Aslan Qanǵojın sóz alyp, kópshilikke qalamgerdiń jýrnalıstik qyzmeti men pýblısıstıkalyq murasy jóninde áńgimelep berdi.
Qostanaı oblysy
