“Habarlike” baǵdarlamasyna qonaq bolǵan jobanyń avtorlary – “Mıllıon” komandasy fılmge qansha qarajat jumsalǵanyn málimdedi. Sonymen qatar eń qymbat qalamaqy alǵan akterlardyń da atyn atady.
- Arqadan aýyr júk túskendeı kúıde júrmiz. Bir jaǵy qýanamyz. Ýaıym da basym. "Jasaǵan dúnıemiz eldiń kóńilinen shyǵar ma eken?” degen kúdik te bar. Endi ǵana úlken ekranǵa jol tartty, bastamasy jaman emes sekildi. Shymkenttikterge unady dep estip jatyrmyz. О́ner ordasy Almaty men Astana qalaı qarsy alady eken? Tolyqmetrajdy fılm túsirý ıdeıasyn kórermenniń ózi usyndy. 170 mıllıon teńgege túsirdik. 70 mıllıondy qaryzǵa aldyq. Bızneste júrgen aǵalarymyz demeýshi boldy, – dedi komanda múshesi Qanat Tashan.
Sonymen qatar, fılmge túsken gonorary eń qymbat akter Tuńǵyshbaı Jamanqulov eken. Ol 10 sekýndtyq sahna úshin 800 myń teńge alǵan.
- Túsirilim bas-aıaǵy 30 mınýtqa sozyldy. Ol fılmde 10 sekýndtyq kórinis boldy. Qansha jyldan beri ónerde júrgen adam bolǵan soń, qansha teńge aıtsa da, berýge daıyn boldyq. Eń qyzyǵy, sol aǵamyzdyń aıtqan áziline halyq qatty kúldi. Fılmge atsalysqan barlyq ártisti renjitpeýge tyrystyq. Saltanat Serkebaevaǵa 1 mıllıon 800 myń teńge tóledik, Nyshanbek aǵamyz 2 mıllıon teńgeden joǵary aldy. О́ıtkeni, ol túsirilim alańynda kóp eńbek etti, – dedi joba avtorlary.
