Foto: Ulttyq ulan
Aksııa barysynda 6654 áskerı bóliminiń jeke quramy men qalalyq qan quıý ortalyǵynyń basshylyǵy arasynda tyǵyz baılanys ornatyldy. Bul izgi nıet áskerı qyzmetshilerdiń árdaıym dárigerlerdiń ótinishterine jaýap beretindigin kórsetti. Qajet bolsa, sarbazdar, serjanttar men ofıserler muqtaj naýqastarǵa qan tapsyrý úshin shuǵyl kómekke keledi. Bir sózben aıtqanda, qoǵam men Ulttyq ulan bir júıede dep senimdi túrde aıtýǵa bolady.
- Men ekinshi ret qan tapsyrýǵa keldim, árıne óz erkimmen. Bul qajet bolǵan jaǵdaıda kóptegen adamdardyń ómirin saqtap qalýǵa kómektesetin óte mańyzdy jáne asyl mıssııa. Al qan, siz oılaǵandaı, árqashan qajet. Ol artyq emes, - dep atap ótti merzimdi qyzmettiń áskerı qyzmetshisi Berik Májıtov.
Shynynda da sarbazdar ózderiniń jasaǵan bul ıgi isterin maqtanyshpen aıtyp júretin bolamyz dep qýanyp jatyr.
- Biz osyndaı aksııalarǵa únemi qatysamyz. Osylaısha, biz qaýipti aýrýlarmen kúresetin adamdarǵa úmit beremiz. Tapsyrylǵan qan ómirdi qutqarady, bireýdiń densaýlyǵyn jaqsarta alady dep senemiz, - dep atap ótti 6654 áskerı bólimi komandıriniń tárbıe jáne áleýmettik-quqyqtyq jumys jónindegi orynbasary polkovnık Jandos Qulbaev.
Dárigerlerdiń aıtýynsha, olar qan tapshylyǵyn sezinbeıdi. Alaıda dárigerler úlken qýanyshpen jáne shyn júrekten rızashylyqpen qan tapsyrǵysy keletinderdi qarsy alady. Aıta ketý kerek, dárigerler áleýetti donorlardyń densaýlyq jaǵdaıyn aldyn-ala tekseredi. Ortalyq qyzmetkerleri mindetti túrde salmaq ındeksin esepteıdi, gemoglobın deńgeıin ólsheıdi, sozylmaly aýrýlardyń bolýy nemese bolmaýy týraly aqparat alady. Sodan keıin ǵana dárigerler qan alýǵa ruqsat beredi.
Aıta ketý kerek, ulandyqtar donorlyq qandy erikti túrde tapsyrý boıynsha aksııalarǵa birinshi ret qatysyp otyrǵan joq. Bul áreket áskerı qyzmetshilerdiń qazirgi qoǵamnyń densaýlyǵy men ál-aýqatyna qamqorlyq jasaıtyndyǵyn kórsetedi.
