Foto: vlast.kz
Ulttyq statıstıka bıýrosy Atyraý oblysy boıynsha departamentiniń basshysy Nurjan Qumarǵalıevtiń deregine súıensek, keıingi bes jylda óńir turǵyndarynyń sany 57 myń 900-ge artypty. О́sim – 9 paıyz. Shahar turǵyndary – 10,6, al aýyldyqtar qatary 7 paıyzǵa ulǵaıǵan. Turǵyndardyń kóbeıýine áser etetin basty faktor – týý kórsetkishi. Osy turǵydan aıtqanda, byltyrǵy 11 aıda 15 myń 156 sábı dúnıege keldi. Onyń ishinde 7 892 ul, 7 264 qyz bar. Tabıǵı ósim – 12 myń 20 adam. О́tken jyly 3 980 neke qıylsa, 396 nekeni buzý týraly akt jazbasy tirkelgen.
Munaıly óńirden 27 myń 953 adam kóship ketken. Máselen, syrtqy kóshi-qon boıynsha – 121 adam, onyń ishinde TMD elderine – 74, álemniń basqa memleketine 47 adam qonys aýdarǵan.
«Atyraý oblysyna ózge óńirlerden kóship kelgender de bar. Olar – 26 myń 34 adam. Onyń ishinde syrtqy kóshi-qon jelisimen 562 adam kelgen. Naqtylaı aıtqanda, TMD elderinen – 533, al álemniń basqa memleketterinen 29 adam qonys aýdardy. Al Qazaqstannyń basqa óńirlerinen 6 441 adam Atyraý óńirine turaqty turýǵa sheshim qabyldady. Máselen, Aqtóbe oblysynan – 18,9, Astanadan – 16,6, Mańǵystaý oblysynan kelgender úlesi – 15,8 paıyz», dep málimdedi Nurjan Qumarǵalıev.
Atyraý oblysy
