Turaqty AQR – negizgi mindeti aktıvterdiń naqty sapasyn, shyǵyndardy, qosymsha provızııalardy jáne bank kapıtalynyń jetkiliktiligin anyqtaý bolyp sanalatyn jyl saıynǵy qashyqtan tekserý. QST – retteý quraly. Maqsaty – daǵdarys jaǵdaıynda bankterdiń qarjylyq ornyqtylyǵyn baǵalaý. Stress-testileý ádisnamasy kredıt jáne naryq táýekelin, onyń ishinde valıýta táýekelin baǵalaýdy, sondaı-aq bankterdiń taza paıyzdyq jáne paıyzdyq emes kiristerindegi ózgeristerdi qamtıdy.
Qarjy naryǵyn retteý jáne damytý agenttigi tóraǵasynyń orynbasary Oljas Qızatovtyń aıtýynsha, 2023 jylǵy AQR baǵalaýyndaǵy 11 banktiń kapıtal jetkiliktilik deńgeıi 15,1% boldy. Bul retteýshi eń tómengi kórsetkishten (7,5%) edáýir joǵary.
«2023 jylǵy QST qorytyndylary boıynsha qatysýshy bankterdiń strestik ssenarııdegi kapıtalynyń jıyntyq jetkiliktiligi (k1) 2023 jyldyń basyndaǵy 15,1%-dan QST aıasyndaǵy 13,9%-dyq eń tómengi mánge deıin ózgerdi. Osylaısha, qatysýshy bankterdiń strestik ssenarııdegi kapıtalynyń jetkiliktiligi talap etiletin retteýshi normatıvterden joǵary deńgeıde saqtaldy. 2024 jylǵy naýryzda Agenttik turaqty AQR kezekti sıklin bastaıdy, onyń nátıjesi bıyl qyrkúıekte alynady dep kútilýde», deıdi agenttik ókili.
