Bahıtgúl Saldathan Mádı jáne Mádına dep esim bergen egiz balalaryn 2004 jyly bosanǵan.
Ol ózi dúnıege ákelgen egiz balalaryn izdep, «Barmysyń, baýyrym?» habaryna keldi. Sózine qaraǵanda, Mádı jáne Mádına esimdi balalary 2004 jyly týǵan. Áldekimder ony aldap, ata-ana quqyǵynan aıyrǵan eken. Al 2009 jyly balalaryn ózge azamattar asyrap alyp ketkenin bilgen.
Bahıtgúl Saldathan 1992 jyly Mońǵolııadan Qaraǵandy qalasyna kóship kelgen. Sol kezde qujattaryn joǵaltyp alypty. Balany ómirge ákelgende turmystyq jaǵdaıy bolmaǵan, keıin syrtynan analyq quqyǵynan aıyrý týraly sot sheshimi shyqqan. О́zi eshqandaı zań bilmegendikten, osyndaı kúıge túskenin aıtyp otyr.
«Mádıim men Mádınamdy izdeımin. 20 jyl boldy. ...Eki balamdy taýyp berýge kómektesińizder», deıdi balalaryn kórýge zar bolǵan ana.
