Foto: antikornews
«Aqtóbe qalasynyń №2 soty Aqtóbe qalasynyń №55 mektep-gımnazııasynyń bas býhgalterine qatysty úkim shyǵardy. Aldyn alý sharalary sheńberinde sot prosesi ashyq rejımde júrgizildi. Sot prosesine onlaın rejımde bilim basqarmasy men bólimderiniń qyzmetkerleri, onyń ishinde Aqtóbe oblysynyń 403 qalalyq jáne aýdandyq mekteptiń dırektorlary, býhgalterleri, pedagogıkalyq quramy qosyldy. Aqtóbe qalalyq mektebiniń bas býhgalteri asa iri mólsherde bıýdjet qarajatyn jymqyrǵany úshin sottaldy. Ol 8 jyl boıy óziniń banktik shotyna jalaqy retinde zańsyz aýdarymdar jasaǵan, nátıjesinde memleketke 413,8 mln teńge somasynda zalal keltirildi. Tek bir jyldyń ishinde ol ózine 200 mln teńgeden astam qarajat aýdarǵan, bul búkil mekteptiń jyldyq eńbekaqy qorynyń 30%-yn quraıdy», delingen aqparatta.
Sot úkimimen 7 jylǵa bas bostandyǵynan aıyrylǵan sottalýshy 10 jyl merzimge jaýapty laýazymdyq qyzmetti atqarý quqyǵynan da aıyryldy. Úkim zańdy kúshine engen joq.
