Foto: arbatmedia.kz
«Qyzmetkerlerdiń zańsyz ereýilge shyǵýyna baılanysty kompanııa kún saıyn mıllıondaǵan qarjyǵa shyǵynǵa batyp jatyr. Bul somma búgingi tańda 1 mıllıard teńgeden asty. Osyǵan deıin habarlanǵandaı, jumys oryndaryna oralǵysy kelmeıtin qyzmetkerlerdi sottyń sheshimimen jumystan bosatýyna kompanııanyń tolyq quqy bar. Jumysqa shyqpaǵandardyń basym bóligi muny óz qalaýynsyz, destrýktıvti elementterdiń qysymymen jasap jatqandaryn jaqsy bilemiz», delingen málimdemede.
Bul rette kompanııa jumysqa qaıta oralǵandardyń barlyǵyna alǵysyn bildirdi.
«Al ishki túısigine senip, jumysqa oralǵan azamattarǵa rızashylyǵymyzdy bildiremiz. (Olardyń sany 120). Biz kompanııamyzdyń qarjylyq turaqtylyǵyn nyǵaıtyp, sizderdiń eńbek jaǵdaılaryńyzdy jaqsartyp, eńbekaqylaryńyzdy turaqty jáne ýaqytyly alýlaryńyz úshin bar kúshimizdi salamyz dep sendirgimiz keledi», dep habarlady kompanııa.
Qazirgi tańda kásiporynnyń jabdyqtaryn jáne tehnıkasyn jańartý prosesi júrip jatyr.
«О́z mindetterin oryndaý úshin jumysqa oralǵan qyzmetkerlerimiz kompanııanyń qazirgi jaǵdaıyn túzetýge zor úlesterin qosyp jatyr. Qalǵan azamattardy da qatarǵa qosylyp, birneshe jyl eńbek etken ujymyna, óz jumystaryna oralýǵa shaqyramyz. Biz zań aıasynda qazirgi jaǵdaıdan birge shyǵýdyń jolyn qarastyrýymyz kerek. Sondaı-aq búgingi tańda jańa qyzmetkerlerdi jumysqa qabyldaýǵa ishki daıyndyq jumystarynyń bastalǵanyn habarlaımyz. Durys tańdaý jasaıtyndaryńyzǵa senemiz jáne zańsyz áreketter jasaǵandar úshin jaýapkershiliktiń bar ekenin eskertemiz», dep jazylǵan málimdemede.
