Ǵylym jáne joǵary bilim mınıstrliginiń habarlaýynsha, «Qazyna» ortalyǵy ınstıtýttyń ǵylymı-ınfraqurylymyn keńeıtý, bilim alýshylardyń ǵylymı-zertteý jumystaryna qyzyǵýshylyǵyn týdyrý jáne etnomádenı-tanymdyq kózqarastaryn jetildirý, ǵylymı-zertteý jumystarynyń sapasy men kókeıkestiligin arttyrý maqsatynda ashyldy. Sondaı-aq ǵylymı-zertteý, zamanaýı-tájirıbelik, aqparattyq qyzmet baǵyttaryn qamtıtyn ortalyq ta izdenýshiler ulttyq tárbıe isiniń jetistikterin naqty jaǵdaıda paıdalanýǵa úırenedi.
Ortalyqtyń ashylýyna Altynsarin institute-nyń dosenti, etnopedagogıka páninen uzaq jyldar boıy stýdentterge dáris oqyǵan zeınetker-ustaz Pernekúl Ahmetova, oblystyq Dala ólkesi tarıhy murajaıynyń dırektory Raýan Abdýllajanuly, Ǵylymı-zertteý ortalyǵynyń jetekshisi Janar Baıseıtqyzy jáne ınstıtýttyń professor-oqytýshylar quramy men stýdentteri qatysty.
Ashylýynda sóz alǵan ardager pedagog P.Ahmetova: «Ult rýhanııatynyń alasarmas bıigin nasıhattaıtyn ortalyqtyń bolashaǵynan úlken úmit kútemiz. Bilim alýshy men bilim berýshilerdiń ulttyq rýh-jigerin ushtaıtyn, patrıottyq sezimine qozǵaý salatyn, ulaǵatty oı men rýhanı qorek beretin alańǵa aınalatynyna senim bildiremin. Sebebi bizdiń memleketimizge tek bilimdi azamat emes, otansúıgish, ultjandy perzent kerek. Bolashaq ustazdardy daıarlaıtyn oqý ornynda osyndaı ortalyqtyń ashylǵany qýantady», dedi.
Aldaǵy ýaqytta ata-babadan qalǵan qazynalarymyzdy zertteýge, zertteýler nátıjesin pedagogıka men psıhologııada paıdalanýǵa baǵyttalǵan «Qazyna» etnopedagogıka jáne etnopsıhologııa ortalyǵynyń ujymy Arqalyq qalasynyń mádenı-aǵartý oshaqtarymen qoıan-qoltyq jumys isteýdi josparlap otyr.
