Qylmyskerdi quryqtady

29 aqpan kúni polısııaǵa qońy­raý shalǵan 13 jastaǵy qyz ózin belgisiz er adam artynan ańdyp júrgeni týraly habarlaıdy. Ol bir dúkenge kirgenin, syrtqa shyǵýǵa qorqatynyn, polısııa kelgenshe sonda kútetinin aıtady.

Oqıǵa ornyna dereý jetken ýchas­kelik polısııa ınspektorlary sýper­mar­kettiń janynan kúdikti adamdy baıqap, mán-jaıdy anyqtaýǵa ty­rysqan. Biraq jigit qolyndaǵy py­sha­ǵymen tártip saqshylaryna qaraı júgirgen. Ýchaskelik polıseıler dúken mańynda adamdar kóp ekenin, olarǵa da zııany tıip ketýinen kúdiktenip, ony basqa jaqqa áketý kerek ekenin túsinedi. Sol arada rasııamen kómek shaqyryp, patrýldik polı­sııa ekıpajy dereý oqıǵa
ornyna keldi.

Zańsyz árekettiń jolyn kesý úshin qyz­mettik kólikten shyq­qan kezde pat­rýldik polıseı Ashat Aha­tovqa kú­dikti pyshaq jara­qa­tyn salǵan. Biraq soǵan qara­mas­tan, jaralanǵan qyz­met­ker árip­tes­te­ri­men birge jekpe-jek ádis­te­rin qoldanyp, qylmyskerdi us­ta­dy. Ba­sy­nan úsh ret jaraqat al­ǵan polısııa qyzmetkeri aýrýhanaǵa jet­ki­­zi­lip, oǵan medısınalyq kómek kór­­se­tildi.

Qazirgi ýaqytta kúdikti ýaqytsha ustaý ızolıatoryna qamalyp, oǵan qatysty polısııa qyzmetkeriniń ómirine qol suǵý faktisi boıynsha qylmystyq is qozǵaldy.