Foto: Ashyq derekkózden
Bul bastamanyń avtory Respublica partııasy boldy. Elimizdegi aýyl sharýashylyǵy tehnıkasy naryǵyn lıberalızasııalaý qajettiligi týraly partııanyń agroónerkásiptik keshenge jáne Qazaqstannyń azyq-túlik qaýipsizdigine arnalǵan blogyndaǵy baǵdarlamasynda aıtyldy. «Jańa Dala / Green Day» aqparattyq ortalyǵynyń tıisti suraýyna partııa atap ótkendeı, bul usynys ótken jyldan bastap ýákiletti organdarmen jáne qarjylandyrýshy kompanııalarmen pysyqtalyp jatyr.
«Jańa tehnıkanyń lızıngi esebinen aýyl sharýashylyǵy tehnıkasyn bir mezgilde jańartý máselesin sheshý múmkin emes. Bul salanyń bıýdjeti úshin úlken aqsha. Osyǵan baılanysty, partııa baǵdarlamasynda biz paıdalanylǵan aýyl sharýashylyǵy tehnıkasyn satyp alý múmkindigi boıynsha sheshimderdi usyndyq. Bul sheshim damyǵan elderde trade-in baǵdarlamasynyń bolýyna baılanysty fermerler ár 2 jyl saıyn qoldanystaǵy tehnıkany jańamen aýystyryp otyrady. Paıdalanylǵan aýylsharýashylyq tehnıkasyn saqtandyrý jáne lızıngtik kompanııalar 40-50% jeńildikpen jaqsy dıskontpen satady. Búgingi tańda kóptegen elder bul baǵdarlamany fermerlerdiń tehnıkasyn jańartý úshin belsendi qoldanady», suraqqa osyndaı jaýap berildi.
Partııa ókilderiniń aıtýy boıynsha, aýyl sharýashylyǵyndaǵy negizgi tejegishterdiń biri - fermerlerdiń tehnıkalyq qarýlanýynyń tómendigi. Jańartý deńgeıi 2-3% - dan aspaıdy, tehnıkanyń joǵary ónimdiligine baǵanyń joǵary bolýyna baılanysty qoljetimdi emes. Tehnıka lızıngin qarjylandyrýǵa bıýdjetten bólinetin qarajat shekteýli. Nátıjesinde, egin ósirýshiler kóptegen jyldar boıy eski tehnıkamen jumys istep, egin shyǵymynyń edáýir paıyzyn joǵaltady.
«Biz aldymen qarjylandyrýdyń arnaıy baǵdarlamasyn jáne jeńildikti sharttarmen kedendik resimdeý sharttaryn pysyqtaýymyz kerek. Bul rette jetkiziletin osyndaı tehnıkanyń kólemi aýyl sharýashylyǵy tehnıkasynyń otandyq óndirisine teris áser etpeýge tıis. Mınıstrlikter tarapynan biz tıisti sheshimder qabyldaýdaǵy belsendilikti áli baıqap otyrǵan joqpyz. Alaıda, biz bul bastama kóptegen fermerlerimizdiń pikirleri negizinde qalyptasqanyn jáne oń sheshim tıisti mınıstrlikter tarapynan nazardan tys qalmaýy tıis ekenin túsinýimiz kerek», dep atap ótti Respublica partııasynyń ókilderi.
Qoldanysta bolǵan jáne 5 jyldan aspaǵan aýyl sharýashylyǵy tehnıkasyn sýbsıdııalaý ıdeıasymen Qazaqstan fermerleri qaýymdastyǵynda da kelisilgen. «Biz bul ustanymdy qoldaımyz, óıtkeni kóptegen fermerlerde jańa tehnıkany satyp alýǵa aınalym qarajaty jetispeıdi, al paıdalanylǵan tehnıka qoljetimdi jáne maýsym aralyǵynda qysqa ýaqytta jumys isteıtindigine baılanysty ol áli de buzylmastan úzilissiz biraz ýaqytqa deıin jumys isteı alady», dedi «Jańa Dala / Green Day» aqparattyq ortalyǵyna bergen jaýabynda.
Sonymen qatar Qazaqstan fermerler qaýymdastyǵynda aýyl sharýashylyǵy tehnıkasynyń ımportyna memlekettik qoldaý sharalarynyń talqylanyp jatqan ózgeristeri týraly birjaqty aıtyldy. «Qaýymdastyqtyń bul másele boıynsha ustanymy birmándi - biz analogtary Qazaqstanda jınalatyn ımporttalatyn aýyl sharýashylyǵy tehnıkasyn sýbsıdııalaýdy jáne ony lızıngke satyp alýǵa paıyzdyq mólsherlemeni arttyrýdyń kúshin joıýdy qoldaımyz. Birinshiden, fermerler, ásirese egis alańdary onsha úlken emes orta jáne shaǵyn fermerler otandyq qurastyrylǵan tehnıkaǵa suranysqa ıe, sondyqtan memlekettik qoldaý osy tehnıkany satyp alýǵa baǵyttalýy kerek. Ekinshiden, respýblıkalyq bıýdjettiń aqshasy, ıaǵnı otandyq salyq tóleýshilerdiń aqshasy qymbat sheteldik tehnıka óndirisin qoldaýǵa sýbsıdııa túrinde ketýdiń ornyna elde qalýy tıis».
Eske sala keteıik, osy jyldyń aqpan aıynda Indýstrııa jáne ınfraqurylymdyq damý mınıstrligi elishilik qundylyq máseleleri jónindegi keńeste ımporttyq joǵary ónimdi tehnıkany satyp alý (lızıng) kezinde ınvestısııalardy jáne AShTО́ kredıtteri boıynsha syıaqy mólsherlemesin sýbsıdııalaýdan bas tartýdy usynǵan. Otandyq aýyl sharýashylyǵy mashınalaryna lızıng 6%-ben berilgen kezde, ımporttyq aýyl sharýashylyǵy mashınalaryna lızıngti 15%-ben berý, sóıtip, Qazaqstanda analogtary jınalatyn ımporttyq aýyl sharýashylyǵy mashınalary úshin ınvestısııalyq sýbsıdııalardy tolyǵymen joıý usynyldy.
