Uzaq ýaqyt boıy «QR agroónerkásiptik keshenin damytý» ulttyq jobasyn iske asyrý sheńberinde memleket sýbsıdııa retinde bólingen bıýdjet qarajatyn urlaýmen aınalysyp kelgen qylmystyq top memleketke 3 mlrd teńgeden astam shyǵyn keltirgen. Sotqa deıingi tergeý barysynda 107 mln teńge óndirilip alynǵan. Oǵan qosa kúdiktilerdiń quny 3,1 mlrd teńge kólemindegi múlkine tyıym salyndy.
Qarjy monıtorıngi agenttigi baspasóz qyzmetiniń málimetinshe, jeń ushynan jalǵasqan qylmystyq amal-áreketterge uzyn sany 49 adam tartylǵan. Onyń 13-i – uıymdasqan toptyń múshesi. Osy 13 kúdiktige sýbsıdııalardy jymqyrdy, salyq tóleýden jaltardy, zańsyz kásipkerlikpen aınalysty, qylmystyq jolmen alynǵan múlikti zańdastyrdy, laýazymdy tulǵalarǵa para bergen jáne qujattardy qoldan jasaǵan degen aıyp taǵylyp otyr.
Uıymdasqan toptyń basshysy óz baqylaýyndaǵy kompanııa qyzmetine salyqtyq tekserý júrgizgen memlekettik qyzmetshige qatysty zorlyq-zombylyq áreketterin qoldandy degen kúdikke iligip otyr.
Atalǵan qylmystyq iske Qostanaı, Aqtóbe, Soltústik Qazaqstan, Pavlodar, Batys Qazaqstan oblystaryndaǵy 30 sharýa qojalyǵynyń basshylary men ókilderi kúdikti retinde tartylyp jatqanyn aıta ketý kerek. Munyń syrtynda, sotqa deıingi tergep-tekserý aıasynda Qostanaı oblystyq aýyl sharýashylyǵy basqarmasynyń 3 birdeı laýazymdy qyzmetkerine aqsha qarajatyn urlaýǵa jáne para alýǵa járdemdesti degen aıyp taǵylǵan.
7 veterınarlyq dáriger qujattardy qoldan jasaǵany úshin, aqparattyq júıege kórineý jalǵan aqparat engizgeni úshin, sondaı-aq zańsyz syıaqylar alǵany úshin aıyptalyp otyr.
Qostanaı oblysy
