Foto: m-strana.ru
Jarııalanǵan esep boıynsha, bir jyl ishinde (2023 jyldyń aqpanynan 2024 jyldyń aqpanyna deıin) satylatyn jańa turǵyn úı baǵasy 3%-ǵa ósti, al qaıtalama turǵyn úı baǵasy 3,3%-ǵa tómendedi. 2024 jyldyń aqpanynda turǵyn úıdi jalǵa alý ótken jyldyń sáıkes aıymen salystyrǵanda 2,9%-ǵa ósti.
О́ńirler boıynsha jańa turǵyn úı baǵasy Aqtóbede – 8,9%-ǵa, Qyzylordada – 7,1%-ǵa ósti. Qaıtalama naryqta baǵanyń ósýi Taldyqorǵan (9%) jáne Atyraý (8,2%) qalalarynda baıqaldy. Jalǵa beriletin turǵyn úı naryǵynda baǵa Jezqazǵan (23,3%), Qaraǵandy (23%) jáne Atyraý (21%) qalalarynda ósti.
Bir aıda (2024 jylǵy aqpan – 2024 jylǵy qańtar) jańa turǵyn úı baǵasy 0,4%-ǵa, qaıtalama turǵyn úı – 1,7%-ǵa ósti. Aqpan aıynda jaıly turǵyn úıdi jalǵa alý ótken aımen salystyrǵanda 1,2%-ǵa tómendedi.
«2024 jyldyń aqpan aıynda tirkelgen turǵyn úıdi satyp alý-satý mámileleriniń sany 30 534-ti qurady, onyń ishinde 6 017-si jeke turǵyn úıler, 24 517-i kópqabatty úılerdegi páterler. 2024 jylǵy qańtarmen salystyrǵanda (31 713) satyp alý-satý mámileleriniń sany 3,7%-ǵa tómendedi. Mámileler sany boıynsha burynǵydaı Almaty (6 434 – 21,1%) jáne Astana (5 882 – 19,3%) qalalary, sondaı-aq Qaraǵandy oblysy (2 297 – 7,5%) kósh bastap tur», dep habarlady Ulttyq statıstıka bıýrosy.
2024 jyldyń qańtarymen salystyrǵanda aqpanda tranzaksııalardyń eń kóp ósimi Pavlodarda (+17,1%), Shyǵys Qazaqstan oblystarynda (+15,2%) jáne Shymkentte (+10,1%) tirkeldi.
2024 jylǵy aqpanda turǵyn úıdi satyp alý-satý mámileleriniń sany ótken jyldyń sáıkes aıymen salystyrǵanda 26,6%-ǵa ósti, onda 24 118 mámile tirkelgen. Oń kórsetkish Mańǵystaý jáne Ulytaý oblystaryn qospaǵanda, respýblıkanyń barlyq óńirlerinde tirkeldi, tómendeý sáıkesinshe 18,3% jáne 8,7% qurady. Eń kóp ósim Pavlodar oblysynda (75,4%-ǵa) tirkeldi.
