Kórmeniń basty ereksheligi – qylqalam sheberleri kóktem merekesi qarsańynda arnaıy salynǵan, sııasy keppegen jańa shyǵarmalaryn kórermen nazaryna usyndy. Pavlodar, О́skemen, Taraz, Shymkent, Astana qalasynyń sýretshileri atsalysqan kórmege 100-ge jýyq shyǵarma qoıylǵan. Sondaı-aq otandyq qolóner sheberleriniń bıik talǵamynan týǵan ulttyq naqyshtaǵy qýyrshaqtar da kórermen kózaıymyna aınaldy.
Ekspozısııada Maısa Yqlasova, Polına Krýtova, Anna Petrakova, Elena Panına, Laýra Satpaeva, Elena Popova, Erjan Buharbaev, Kúmisaı Sharıpova, Gaýhar Júnisova, Saltanat Japarova, Aıgerim Oral, Tolqyn Qalımova, Atabek Bekbolatov syndy sýretshiler men qolónershilerdiń qoltańbasy birden kózge túsedi. Otandyq sýret óneriniń alýan túrliligi men tereńdigin kórsetetin aýqymdy is-shara Naýryz merekesine oraı uıymdastyrylǵan.
– Kóktem meni aınalanyń bárine ǵashyq etip jyl saıyn gúl bop oralady. Bul sezimdi kókiregimde máńgilik saqtap qalǵym keledi. Bala kezden kóńilim aınalamdaǵy boıaýlardy erekshe ásermen qabyldaıdy. Aıaldamadan bastalatyn qala tirshiligi tunjyraǵan aýa raıymen qosylyp meni beıjaı qaldyrmaıdy. Tirshilik tynysy kóńilimdegi sezim tereńdiginde boıaý tilimen ún qatyp aq qaǵazǵa túskenshe janymdy arpalysqa salady. Janym aınaladaǵy álemnen ózgeshe úılesim izdeıdi. Búkil kóńil kúıimdi jan-dúnıemdi óner arqyly syrtqa shyǵaramyn. Bul barlyq sýretshige tán sezim shyǵar. Adam ómir boıy ózindegi kemshilikterimen kúresip ony jeńe bilýi shart. Darynyń bolsa da ony tárbıelep, shyńdaý kerek. Erkin oıly adam ǵana ónerde jasampazdyqqa qol jetkizedi, – deıdi sýretshi Anar Ábjanova.
ALMATY
