Foto: Qorǵanys mınıstrligi
Quzyrly organ turǵyndarǵa jaǵdaıdy burmalap, jalǵan aqparat taratpaýdy surady.
«Qarýly kúshterdiń jaýyngerlik daıyndyq baǵdarlamasy sheńberinde 13 naýryz kúni Aqmola garnızony áskerı bólimderiniń áskerı qyzmetshileri Astana qalasynyń mańyndaǵy belgilengen aýdandarǵa jaýyngerlik tehnıkamen marsh jasaıdy. Is-shara garnızon áskerı bólimsheleri kúshteri men quraldarynyń jaýyngerlik ázirligin keshendi tekserýdiń kezekti kezeńine baǵyttalǵan», dep málimdedi mınıstrlik.
Jaýyngerlik daıyndyq júrgizý kezinde elorda mańynda, Qaraǵandy trassasynda áskerı tehnıka legi ótip bara jatqan kezde jolda avtokólik qozǵalysyna ýaqytsha shekteý engizilýi múmkin.
«Osyǵan baılanysty azamattardan ótip jatqan is-sharalarǵa túsinistikpen qaraýdy jáne tynyshtyqty saqtaýdy suraımyz. Sonymen qatar áleýmettik jelilerdi paıdalanýshylardan áskerı tehnıkanyń qozǵalysy týraly jalǵan habarlamalar men beınematerıaldar taratpaýdy jáne tek resmı aqparat kózderine senýdi suraımyz», delingen habarlamada.
