Foto: adyrna.kz
Mınıstr bul týraly áleýmettik jelidegi paraqshasynda jazdy. Aıda Balaevanyń aıtýynsha, baǵdarlama óziniń bastapqy mıssııasyn oryndaı almaǵan, al memlekettik telearna mundaı olqylyqqa jol bermeý kerek edi.
«Otbasylyq qundylyqtardy nasıhattaý, ana men balany qorǵaý jónindegi qyzmetti úılestirý, otbasylyq-turmystyq zorlyq-zombylyqqa qarsy is-qımyldy nasıhattaý - mınıstrliktiń basty mindetteriniń biri.
О́z kezeginde, 11 naýryzdan bastap «Habar» arnasynda otbasyndaǵy áleýmettik máselelerdi kóterip, ony sheshýge baǵyttalǵan «Biraq...» baǵdarlamasynyń shyǵarylymy uıymdastyryldy. Alaıda, tikeleı efırde kórsetilgen shyǵarylymda redaksııa baǵdarlamanyń dittegen maqsatyna jete almaı, keıipkerdi jańylystyrý arqyly qoǵamda túrli pikirler týyndatty. Memlekettik ıdeologııany júrgizip otyrǵan memlekettik telearna bundaı olqylyqqa jol bermeýi tıis edi. Eń aldymen, redaksııa barlyq etıkalyq normalardy saqtap, otbasylyq-turmystyq zorlyq-zombylyq pen arandatýshylyqqa jol bermeýge, keıipkerlerdi kópshilik aldynda qorlamaý qajet edi. Sondyqtan telearna redaksııasyna bul úlken sabaq bolady dep sanaımyz. Atalǵan tok-shoý jabylady», dedi mınıstr.
