Atalǵan joǵary oqý ornynyń Jasýshalyq bıologııa jáne genomıka ınstıtýtynyń ǵylymı qyzmetkeri Ásııa Qusaıynova 2013 jyldan beri molekýlalyq genetıka salasynda eńbek etedi. Ǵalym radon men asbest áserinen týyndaıtyn ókpe obyry patogeneziniń molekýlıarlyq-genetıkalyq aspektilerin zertteıdi. Ol jas ǵalymdarǵa arnalǵan baǵdarlamanyń arqasynda bir bólmeli páterge qol jetkizdi.
«О́z baspanańnyń bolýy árqashan turaqtylyq pen bolashaqqa degen senimdi uıalatady. Jas ǵalymdarǵa arnalǵan ıpotekalyq baǵdarlamanyń ashylýy meni qatty qýantty. Búgin biz tıimdi sharttarmen jeke baspana satyp alý múmkindigine ıe boldyq», deıdi ol.
Is-shara barysynda ǵalymdardy ýnıversıtet rektory Erlan Sydyqov pen «Otbasy banki» AQ ortalyq fılıaly dırektorynyń orynbasary Janar Izimbetova quttyqtap, olarǵa nesıe alý týraly sertıfıkat pen estelik syılyqty tabys etti.
«Sońǵy jyldary otandyq ǵylymǵa bólinetin bıýdjet qarajaty birneshe ese ósti. Memleket basshysynyń tapsyrmasy aıasynda ǵylym qyzmetkerleriniń áleýmettik jaǵdaıyn jaqsartý, onyń ishinde turǵyn úımen qamtamasyz etý úshin jańa múmkindikter jasalyp otyr. Ǵylym jáne joǵary bilim mınıstrligi jáne «Otbasy banki» AQ-men kelisimge qol qoıyp, jas ǵalymdardy baspanamen qamtamasyz etýdiń arnaıy baǵdarlamasyn iske qosty», dedi E. Sydyqov.
Aıta keteıik, byltyr jas ǵalymdarǵa turǵyn úı satyp alýǵa arnalǵan jeńildetilgen nesıeleý baǵdarlamasy qolǵa alyndy. Oǵan 40 jasqa deıingi ǵalymdar qatysady.
