Ýnıversıtet qalashyǵynda ótken merekelik baǵdarlamany Oral qalalyq mádenı-aǵartý birlestigi janyndaǵy «Arman» balalar aýla klýby men ýnıversıtettegi «Mádenıet jáne óner stýdııasy» uıymdastyrǵan eken. Bas ǵımarattyń foıesinde oqytýshylar men qyzmetkerlerdi jáne bilim alýshylardy ulttyq kıimdegi jastar qarsylap, úlkendermen kórisip, batasyn aldy. Ujym qyzmetkerleri bir-birin ejelden kele jatqan «Kórisý aıt» meıramymen quttyqtap, jyly lebiz bildirdi. «Naryn sazy», «Erke-Nur», «Tumarym» shyǵarmashylyq ujymdary ónerden shashý shashyp, merekelik kóńil kúıdi eseleı tústi.
– Bıyl Naýryz merekesi jańasha sıpatta ótip jatyr. Batys óńirinde ǵana atap ótiletin «Kórisý kúni» el kóleminde nasıhattalyp jatqany qýantady. 23 naýryzǵa deıingi onkúndiktiń ár kúni mańyzdy sharalarmen jalǵasyp, ulttyq qundylyqtarymyzdy dáripteıtin bolamyz. Munyń ózi – úlken jetistik. О́zimiz ustaz bolǵandyqtan, jastardyń boıyna patrıottyq sezim uıalatýǵa tyrysamyz. Barsha áriptesterimdi búgingi merekemen, kele jatqan Ulystyń uly kúnimen quttyqtaımyn! – deıdi ýnıversıtet janyndaǵy Ekonomıka, aqparattyq tehnologııalar jáne kásibı bilim berý ınstıtýtynyń dırektory Janar Erjanova.
Budan keıin oqytýshylar men qyzmetkerler ulttyq taǵamdardan dám tatyp, ulttyq jádigerlermen jasaqtalǵan buryshty tamashalady.
