Konferensııada eki kún boıy túrki áleminiń tarıhı-mádenı murasyn zertteý men saqtaýǵa jáne onyń qazirgi túrki elderi qoǵamyndaǵy damýdyń túrli aspektilerine yqpalyn tereńirek túsinýge baǵyttalǵan túrli taqyryptar qamtylmaq.
Sharanyń ashylý saltanatynda Túrki memleketteri uıymynyń Bas hatshysy Kýbanychbek Omýralıev, Ázerbaıjan Respýblıkasynyń Mádenıet mınıstri Ádil Kárimlı, Túrki Akademııasynyń prezıdenti Shahın Mustafaev, Atatúrik atyndaǵy Mádenıet, til jáne tarıh Joǵary keńesiniń tóraǵasy Derııa О́rs, Ázerbaıjan Respýblıkasy Memlekettik týrızm agenttiginiń tóraǵasy Fýad Nagıev, Túrkııanyń IýNESKO isteri jónindegi Ulttyq komıssııasynyń tóraǵasy Odjal Oǵyz, Halyqaralyq Túrki mádenıeti uıymynyń (TURKSOY) bas hatshysy Sultan Raev, Túrki mádenıeti men murasy qorynyń prezıdenti Aqtoty Raıymqulova jáne «Icherı Shahar» memlekettik tarıhı-sáýlet qoryǵy basqarmasynyń tóraǵasy Shahın Seıdzade sóz sóıledi.
Túrki akademııasynyń prezıdenti Shahın Mustafaev tarıhı-mádenı eskertkishter men muralar nysandaryn IýNESKO qaǵıdattaryn negizge ala otyryp, qorǵaý, qalpyna keltirý, dáripteý jáne tıimdi paıdalanýdyń mańyzdylyǵyna toqtaldy.
Taqyryptyq sessııalar barysynda halyqaralyq uıymdardyń basshylary, IýNESKO isteri jónindegi Ulttyq komıssııanyń ókilderi, ǵalymdar men akademııalyq qaıratkerler bolashaq urpaq úshin túrki áleminiń tarıhı-mádenı murasyn saqtaý men nasıhattaýdyń mańyzdylyǵyn atap ótti. Sondaı-aq tarıhı eskertkish nysandardy, jádigerlerdi, salt-dástúrlerdi, tilder men ádet-ǵuryptardy qorǵaýdyń qajettiligi aıtyldy.
Is-sharaǵa qatysýshylar túrki tarıhı-mádenı murasyn túgendeýdiń jáne osy saladaǵy júıeli yntymaqtastyqty nyǵaıta túsý úshin qajetti tetikterdi qurý týraly ustanymdarǵa biraýyzdan qoldaý bildirdi.
Taqyryptyq talqylaýlarmen qatar, is-shara Ázerbaıjan ulttyq kilem murajaıyndaǵy «Toqyma ónerindegi mura: túrkilerdiń kıimderi, kilemderi jáne oıý-órnekteri» kórmesine barý jáne Icherı-Sheher tarıhı nysandaryn aralap kórý sekildi mádenı baǵdarlamalar qarastyrylǵan.
