Foto: top-news.kz
Is-sharaǵa óńir zııalylary, mádenıet salasynyń qyzmetkerleri, qala turǵyndary qatysty. Merekege jınalǵan kópshilikke Serikbaı Ospanov, Aqylbek Shaıahmet syndy el maqtanyshyna aınalǵan aqyndar jyrdan shashý shashyp, bata berdi. Qazaqstan Jazýshylar odaǵy oblystyq fılıalynyń tóraǵasy Januzaq Aıazbek Amal kúniniń nyshanyn tek sahnadan qyzyqtap qoımaı, turmys saltyna engizý joldaryn qarastyrý kerek degen usynys aıtty.
«Qazaqta «Barmasań, kelmeseń – jat bolasyń» degen sóz bar. Búgingi is-sharanyń tarıhı máni zor. El arasy sýyp bara jatqan kezde el aǵalary alys-jaqyn aǵaıyndy qaıtsek tatýlastyramyz degen másele kóterip otyrǵan. El men eldi, aǵaıyn men baýyrdy jaqyndastyratynsondaı kúnniń biri – osy Amal merekesi. Quldyrańdaǵan bala kezimde ájemiz Naýryz meıramynyń qarsańynda aıaq-astynan tósek tartyp qaldy. Atam qansha aınalyp, tolǵansa da, esh em qonbady ma, biraz ýaqyt basyn kótere almady. Sonymen Naýryz meıramy bastalǵan jaıma-shýaq kúnderdiń birinde saý etip aýylǵa bir top adam keldi. Sóıtsek, olar ájemniń tórkini eken. Bir-birimen qaýyshyp jatqany emis-emis esimde. Sol kezde ájem basyn kóterip, birden turyp ketkenine tańǵaldyq. Tórkinderimen on jyl kórispegen eken. «Kóriskende adam erekshe tolqıdy eken ǵoı. Júrek tebirenip, óziniń dertinen jazylyp ketedi eken-aý!», dep edik sonda. Keleshekte osy Amal kúnin sahnadan ómirge qalaı engizemiz, qaıtsek kúnderdiń kúninde ómirimizdeı bolyp turmysymyzǵa aıaq basady degen oı jıi mazalaıdy. Ol úshin barlyǵymyzdyń aramyzda kópten kórmeı júrgen kisilerdi úıge shaqyrý dástúri qalyptassa jón bolar edi. Sony jastarǵa tájirıbe retinde kórsetsek ıgi», dedi qalamger.
Osylaısha, toıǵa jınalǵan jurt oıǵa batyp tarqasty. Al keshkilik qala ortalyǵynda óńir ónerpazdary uıymdastyrǵan «Amal keldi, jyl keldi» atty teatrlandyrylǵan merekelik konsert ótti.
Qostanaı oblysy
