О́ner ıesiniń aıtýynsha, aradaǵy mahabbatty máńgi saqtaý úshin adam bir-birin baǵalaýy kerek.
«Adammen birge máńgi, ǵumyry bitkenshe jasaıtyn mahabbat. Abaı atamyz «Mahabbatsyz dúnıe bos» dep aıtady. Shynymen de, adamnyń mahabbaty bitken kúni – óziniń bitken kúni. Alladan surap alǵan jalǵyz adam bolsa, ol qasymdaǵy Beıbit qoı. Ol maǵan erkeleýi kerek, men oǵan erkeleýim kerek. Ony jáne meni erkeletetin adamdar alysta», - deıdi Toqtar Serikov.
«Alǵashqy kózqaras, bir-birimizge degen súıispenshilikti barynsha alaqanda aıalap, saqtaý kerek oılaımyn. Mahabbat degen – qaıtyp kelmeıtin dúnıe. Sondyqtan syılastyq, erli-zaıyptynyń arasynda mádenıet degen bolý kerek, sol arqyly mahabbatty saqtap qalý kerek dep oılaımyn», - deıdi Beıbit Seıdýalıeva.
Toqtar Serikov otbasyn qurǵan alǵashqy jyldary er azamattarda qandaı sezim bolatynyn aıtty.
«Er azamattarda úreı bolady, óz basymda bolǵan, jasyrmaımyn. Ábden júrip, nazardy ózimizge aýdaryp úırenip qalǵanbyz. Erteń úıge qamalyp, bir adamnyń aldynda ǵana ómir súrý er azamat úshin aqyret sııaqty bolyp kórinedi. Olaı emes eken. Qazaqtyń ádimi sózi bar, «Bir jastyqta qartaıyńdar» degen. ...Jubaıyń sózińdi quptaýy úshin qasyńda kóp bolýy kerek. Otbasy bolǵanymyzǵa kóp emes, 17 jyl boldy. Biraq maǵan keshe ǵana sııaqty», - deıdi ánshi.
Ánshi Beıbit Seıdýalıeva otbasyndaǵy bereke-birlikti, turaqtylyqty saqtaý aldymen áıelge baılanysty dep esepteıdi.
«Barlyǵy áıel adamǵa baılanysty dep oılaımyn. Áıel adam úıdegi shýdy shyǵarmaı, tigisin jatqyzyp, jamandy jasyryp, jaqsyny asyryp, shydamdylyqty, tózimdilikti, aqyldylyqty kórsetse, barlyǵyn saqtap qalady», - deıdi ánshi óner ıesi.
